Ханиадтай хүнээс хэр хол зогсвол халдвар авахгүй вэ?
2019 оны 1 сарын 11
Ханиад томууны улирал эрчээ аваад байна. Жилийн хамгийн хүйтэн, тухгүй, хамгийн хэцүү энэ үед бид элдэв өвчний вирүсийн халдлагад өртөх өндөр эрсдэлтэй байдаг. Бидний ойр тойрны хэн нэгэн ханиад хүрч, ханиаж, найтаахад бид "Амаа дараач. Хүнд ханиад хүргэх нь байна" гэж загнадаг. Тэгвэл бидний энэ ижил төрлийн айдсаас үүдэн ханиадтай хүнээс хэр хол зайд зогсвол бид аюулгүй байх вэ гэдэг асуулт урган гарч ирдэг. 

Таныг итгэх үгүйг мэдэхгүй ч томуугийн халдвар авсан хүн эргэн тойрон 1,9 метрийн зайд байгаа хүмүүсээ халдварлуулдаг гэх хариуг судлаачид өгч байна. Дийлэнх шинжээчид ханиадтай хүмүүсийг ханиах, найтаах, ярих үед вирүс агаар дуслын замаар бусдад тархдаг гэж үздэг. Дуслаар тархсан вирүс ойр орчимд байгаа хүмүүсийн ам, хамар дээр буух эсвэл амьсгалын замаар дамжин уушги руу ордог байна. Мөн олон хүн ханиадны вирүс буусан эд зүйлсэд гараараа хүрч, улмаар бохирдсон гараа ам, хамар, нүдэндээ хүргэснээр халдвар авдаг аж. 

Мэргэжлийн хүний хэлж буйгаар хүн ханиадны халдвар авснаас хойш хоёр өдрийн дараа өвдсөн гэдгээ мэддэг гэнэ. "Хэрвээ би халдвар авчихвал өвдөж эхэлтлээ 24-48 цагийн турш бусдад вирүс тараах боломжтой. Энэ нь вирүс тархах тун тааламжтай нөхцлийг бүрдүүлж байгаа хэрэг" хэмээн ханиадны вирүс судлаач Уиллиам Шаффнер ярьжээ. 

Энэ бол хүн ам ихтэй хотод амьдардаг, нийтийн тээврээр зорчдог хүмүүсийн хувьд аймшигтай мэдээлэл юм. Үүнээс сэргийлэхийн тулд эмч нар бүгд нэг ижил зөвлөгөөг өгдөг. Вакцинд хамрагдах, гараа тогтмол угаах, олон хүн хэрэглэдэг эд зүйлсэд хүрэхдээ арчиж байх, өвдсөн хүмүүсээс зай барих нь таныг өвдөх эрсдлээс хамгаалах аж. 

Мөн айхтар ханиад хүрсэн хүнээс хамгийн багадаа 1,9 м зай барих ёстой гэдгээ мартаж болохгүй. Ханиад, томуу туссан хүмүүс ч ойр орчиндоо халдвар тараахгүйн тулд ам, хамраа дарж ханиаж, найтаалгаж хэвших нь зүйтэй юм. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна