Ford Transit жорлон, гал тогоо, буйдантай болжээ
2019 оны 1 сарын 30
АНУ-ын автомашин үйлдвэрлэгч Форд концерны Европ дахь салбар зах зээл дээр аяллын зориулалттай Transit Custom Nugget загварыг гаргахад бэлэн болсноо зарлав. Энэ явуулын байшин дөрвөн хүнийг тав тухтай аялахад зориулагдсан аж. Шаардлагатай бол бие засах газар, унтлагын өрөө, хувцасны шүүгээгээр тоноглогдоно. 

Шинэ загварын машиныг Брюссель хотод болсон үзэсгэлэн худалдаан дээр танилцуулжээ. Дээвэр нь сөхөгдөж майхан болно. Тэнд нь унтлагын ор байх аж. Бичил гал тогоонд нь хийн зуух байх агаад 40 литрийн багтаамжтай хөргөгч, угаалтуур, ундны болон ахуйн зориулалттай усны нөөц савнууд байх аж. 

Хоол идэх зориулалттай ширээ, буйдангууд таны тав тухыг алдагдуулахгүй. Урд талын жолоочийн болон зорчигчийн суудлууд 180 хэм эргэж буйдан болно. Ширээг хурааж, буйданг сунгах юм бол ор болно. Арын хаалган дээр унадаг дугуй тогтоогч суурилагджээ. Хоёр литрийн багтаамжтай дизель хөдөлгүүр нь 130 болон 170 морины хүчтэй байх юм. Механик болон автомат хроптой сонголтуудаас авч болно. 

Европын зарим нэг улс орнуудад энэ загварын Форд машин хавраас худалдаалагдаж эхлэх аж. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарах ёстой юу?
  • Нэн даруй тарах ёстой.
  • Тарах шаардлагагүй
  • Тарлаа гээд юу ч өөрчлөгдөхгүй