Гвинет Пэлтроу хүн бэртээжээ
2019 оны 1 сарын 31
Холливудын 46 настай нэрт жүжигчин Гвинет Пэлтроуг 72 настай нүдний эмч Терри Сандерсен гэдэг хүн шүүхэд өгчээ. Нэхэмжлэгч гомдолдоо 2016 онд жүжигчин бүсгүй түүнийг уулын цанын Парк-Сити амралтын газар хүнд бэртээсэн гэдгийг бичсэн аж. Нэхэмжлэлд бичсэнээр бол Гвинет цанаар гулгаж байхдаа өвгөнийг дайрч унагаагаад юу ч болоогүй юм шиг цааш явсан гэнэ. 

Хохирогч тал хариуцагчаас 3,1 сая доллар нэхэмжилсэн байна. Энэ гурван жилийн хугацаанд нөхөн сэргээх эмчилгээ хийлгэж байсан учраас дөнгөж одоо шүүхэд хандаж байгаа гэдгээ Сандерсен онцлов. Тэрхүү үйл явдлын улмаас тэрбээр тархиндаа хүнд бэртэл авч, дөрвөн хавиргаа хугалуулсан гэж бичжээ. Харин Гвинет бүсгүй өөрийгөө буруугүй хэмээн хариу тайлбар бичсэн бөгөөд шүүх үнэн зөвийг тогтооно гэдэгт итгэж байгаагаа илэрхийлжээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй