Хог түүж идээд шийтгүүлэв
2019 оны 2 сарын 1
ХБНГУ-ын Бавари мужийн Фюрстенфельдбрукке хотын захиргаа дэлгүүрийн гаднах хогноос хоол хулгайлж идсэн хоёр эмэгтэйд шийтгэл ногдуулав. Тухайн мужийн хуулиар бол тэрхүү хог дэлгүүрийн өмчид тооцогддог байна. Хогны машин тэр хогийг ачиж явах хүртэл хог дэлгүүрийн өмч хэвээр байдаг гэсэн үг. 

Хоёр эмэгтэй олон нийтэд тустай хөдөлмөр найман цаг хийхээс гадна 225 еврогийн торгууль төлнө. Шийтгэл амссан эмэгтэйчүүд dumpster diving буюу үгчлэн орчуулвал “Хогийн сав руу шунгах” хөдөлгөөний идэвхтэй гишүүд аж. Энэ хөдөлгөөний гишүүд дэлгүүрүүдийг хоол хүнсийг хайр гамгүй хаядаг гэж буруутгадаг юм. 

Дэлгүүрүүд хугацаа нь дуусаагүй юм уу, дөнгөж дууссан бараагаа хаядгийг тэд ингэж эсэргүүцдэг. Дээр нь энэ хөдөлгөөний идэвхтэй гишүүд орон гэргүй, ядуу хоосон хүмүүст тэрхүү хоолыг өгөхийн оронд зүгээр л хаяж байгааг эсэргүүцдэг гэнэ. 

Хогон дээрээс хоол хулгайлж идээд уг эмэгтэйчүүд дэлгүүрт 100 еврогийн хохирол учруулсан гэж үзжээ. Хоёр жилийн тэнсэн харгалзах хугацаанд эдгээр эмэгтэйчүүд хуулийг дахиж зөрчвөл 225 еврогийн торгуулиа хүлээх хэрэгтэй болно.  
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй