Н.Энхбаяр: МАНАН-гийн жинхэнэ гол эзэн нь “сахал” Д.Эрдэнэбилэг
2019 оны 2 сарын 1
Парламентад суудалгүй намуудын төлөөлөл өнөөдөр хэвлэлийн бага хурал хийлээ. Тус хуралд МАХН, ИЗНН-ын удирдлагууд оролцов. Тэд УИХ, Засгийн газарт хандан шаардлага хүргүүлж байна.

МАХН-ын дарга Н.Энхбаяр: МАНАН бол аймшигтай үзэгдэл гэдгийг би мах цусаараа мэдэрсэн. МАНАН-тай тэмцэх аюултай. Гэхдээ тэмцэж байгаа  хүмүүсийн тоо нэмэгдэж, иргэд үүнийг ойлгож байгаад бид баяртай байна.

МАНАН-гийн жинхэнэ гол эзэн нь “сахал” хэмээх Д.Эрдэнэбилэг гэдэг хүн. Би Ерөнхийлөгчөөр ажиллаж байхдаа Худалдаа хөгжлийн банкийг (ХХБ) хулгай луйварын аргаар авахыг нь таслан зогсоох гээд амжаагүй. Хуйвалдаж намайг унагааж байгаад ХХБ-ийг авсан. Тэр банкны хувьчлалд Ц.Элбэгдорж, М.Энхболд оролцсон. Энэ МАНАН гэдэг үзэгдэл ХХБ-аар дамжиж ажилладаг.

Холбоотой Зураг
“Сахал” Д.Эрдэнэбилэг шуналаа хэрэгжүүлэхийн тулд Шударга бусын хонгилыг байгуулсан хүн. Дээд шүүхийн дарга Ц.Зориг бол цэвэр "сахал" Д.Эрдэнэбилэгийн тавьсан хүн. Ц.Элбэгдоржийн тушаалаар томилогдож байгаа боловч үнэн хэрэгтэй  "сахал" Д.Эрдэнэбилэгийн тавьсан хүн. Дуулгавартай зарц нь. "Сахал" Д.Эрдэнэбилэг юу хэлнэ, Ц.Зориг тэрийг нь хэрэгжүүлж байдаг. 

М.Энхболд бол “Сахал” Д.Эрдэнэбилэгийн гарын хүн. Ц.Элбэгдорж ч гарын хүн нь. Одоо Д.Эрдэнэбилэгийн зүгээр авсан Хөтөлийн цементын үйлдвэр, Дарханы хар төмөрлөгийн үйлдвэрийг буцаах хэрэгтэй. “Эрдэнэт”-ийн 49 хувийг буцаах хэрэгтэй. 

Өнөөдөр М.Энхболдыг ажлаас нь чөлөөлөөд тайвшрах гээд байна. Тэгж болохгүй. Жинхэнэ МАНАН-г эдийн засгийн сууриар нь устгахгүй бол устахгүй. Д.Эрдэнэбилэгийн томилсон хууль хяналтын байгууллагын удирдлагуудыг өөрчлөх хэрэгтэй. МАНАН-гийн гол санхүүжүүлэгч "сахал" Д.Эрдэнэбилэгийн даалгавараар "Эрдэнэт"-ийн 49 хувийн ажил явагдаж байна. Яаралтай арга хэмжээ авах хэрэгтэй.

Шударга ёсны төлөө хамтдаа тэмцье гэж монголчууддаа уриалж байна” хэмээн ярилаа.  
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй