Ж.Батзандан: Уг нь сайн залуу, гэхдээ Т.Бадамжунай, Б.Хурц нартай дэндүү ойрхон байдаг шүү
2019 оны 2 сарын 1
УИХ-ын чуулганаар УИХ-ын даргад нэр дэвшигч Г.Занданшатарыг томилох эсэх асуудлыг хэлэлцэж байна. Тус асуудлаар УИХ-ын гишүүд асуулт асууж, хариулт авч, үг хэлж байна.

Энэ үеэр УИХ-ын гишүүн Ж.Батзандан Г.Занданшатарт хандан үг хэллээ.

Тэрбээр “Шинэ даргатай болгох гэж монголын парламент хоёр сар гацлаа. Миний хувьд УИХ-ын даргаар Ц.Нямдорж гэж хүн орж ирэх болов уу  гэтэл  нам нь унагачихлаа. Хоёр номерт Т.Аюурсайхан орж ирэх болов уу гэтэл орж ирсэнгүй. Шинэ цагийн улстөрч гэдгээр нь би Г.Занданшатарыг дэмжинэ. 70аад онд төрсөн улс төрд залуу үеийн төлөөлөл гэж харж байна. шинэ цагийн улстөрч гэдэг утгаар нь дэмжинэ.

Уг нь сайн залуу. Гэхдээ Т.Бадамжунай, Б.Хурц хоёртой дэндүү ойр шүү. Тэднээс хол байгаарай. МАНАН бүлэглэлээс хол байгаарай. Эрхэм журмын нөхөр минь битгий ийм зүйл хийгээрэй. МАНАН бүлэглэлийн эсрэг тэмцэх үеэр жагсагчдын аюулгүй байдлыг хангах талаар та үнэхээр сайн ажилласан явдалд талархаж байгаа.

Иргэд олон түмэн биднээс эрс өөрчлөлт хүсэж байна. Бүх баялаг ордуудаа хулгайд алдчихаад байна. Монголын төрд маш сайн Их хурлын дарга байна гэж итгэж дэмжинэ. “Эрдэнэт”-ийн 51 хувиа алдчихлаа. 49 хувиа бас алдах нь ээ. Баялагтаа эзэн байлгаасай гэж үзсэн учраас Засгийн газар таныг дэмжсэн гэж бодож байгаа.

Салхитын мөнгөний ордыг авч чадсан шигээ шударгаар ажиллаарай. Шударга бусын хонгил бий болгосон хүмүүсийг үтэр түргэн зайлуулахын төлөө ажиллаарай.Өчигдөр би Ерөнхий сайдтай уулзахад таныг дэмжээд өгөөрэй зоригтой ажиллаж байгаа  шүү гэж  хэлсэн. Таниас би зоримог ажиллахыг хүснэ.  Хууль хяналтын бүх удирдлагуудыг солиорой. Харин авлигач нартай нэгдэх юм бол удахгүй зайлуулна шүү" гэлээ.

Эх сурвалж www.wikimon.mn
Д.Хүдэр
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй