Баян-Өлгийн Иргэдийн хурлын төлөөлөгч авлигын хэргээр шалгагдаж байна
2019 оны 2 сарын 2

-ИРГЭДИЙН ХУРЛЫН ТӨЛӨӨЛӨГЧ БАЙГУУЛЛАГЫН ХӨРӨНГӨ МӨНГӨНИЙ “АШИГЛАЛТ”-ЫН ХЭРЭГТ ХОЛБОГДЖЭЭ-

Баян-Өлгий аймгийн Иргэдийн хурлын төлөөлөгч, “СУАТ” ХХК-ийн захирал Ж.Адалбекийг АТГ-аас авлигын хэргээр өнгөрөгч долоо хоногт саатуулан шалгаж эхэлжээ. Түүнийг урьдчилан хорих 72 цагийн хугацаа өнгөрөгч баасан гарагт буюу нэгдүгээр сарын 25-ны өдөр дуусгавар болж Баян-Өлгий аймаг дахь сум дундын Эрүүгийн хэргийн анхан шатны шүүхээр үргэлжлүүлэн хорих эсэхийг хэлэлцсэн байна. Улмаар түүнд хилийн хориг тавьж, батлан даалтад гарган гадуур шалгахаар болсон. Албан бус эх сурвалжуудын мэдээлж байснаар, түүнийг АТГ-аас өнгөрөгч долоо хоногт баривчилж, Улаанбаатар хот руу онгоцоор тээвэрлэж явсан хэмээж байсан юм.

image
Түүнийг эрх мэдэл, албан тушаалаа урвуулан ашиглаж “байгууллагын хөрөнгө мөнгөний АШИГЛАЛЫН хэрэг”-т холбоотойгоор байцаан шалгаж байгаа аж. Мөн тендерийн хөрөнгө мөнгөний асуудалтай ч холбогдсон гэх мэдээлэлийг холбогдох эх сурвалжууд өгөөд байна. Ж.Адалбекийн хувьд 2016 оноос хойш “СУАТ” ХХК-ийн захирлаар ажиллаж байгаа нэгэн юм.

Нийтийн аж ахуй үйлчилгээний “СУАТ” ХХК нь Баян-Өлгий аймгийн иргэд, аж ахуй нэгж байгууллага болон Төсөвт Байгууллагуудыг цэвэр усаар хангах, хэрэглэсэн бохир усыг татан зайлуулах мөн түүнчлэн барилга байгууламж, халуун ус, савлагдсан цэвэр ус зэрэг чиглэлээр үйл ажиллагаа явуулдаг. Тус компани нь хоногт 3000м.куб цэвэр ус түгээж, 2245 м.куб бохир ус татан зайлуулж 51 төсөвт байгууллага, 64 аж ахуйн нэгж, 6145 айл өрхөд үйлчилгээ үзүүлдэг юм.
Эх сурвалж: Medee.mn

Эх сурвалж www.wikimon.mn
П.Урнаа
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарах ёстой юу?
  • Нэн даруй тарах ёстой.
  • Тарах шаардлагагүй
  • Тарлаа гээд юу ч өөрчлөгдөхгүй