Тусгай албад Ираны цөмийн физикчийг хил давуулжээ
2019 оны 2 сарын 11
Их Британи, АНУ болон Израилийн тусгай албад шинэ оны өмнөхөн хууль бус цагаачдын суусан завин дээр Ираны цөмийн физикч эрдэмтнийг Ла-Маншийн хоолойгоор зугтаалгах ажиллагааг явуулжээ. 

Нэгдсэн Вант Улсад хүргэгдсэн 47 настай эрдэмтэн 2012 онд Ираны нэгэн цөмийн физикчийг хорооход оролцсон аж. Өнгөрсөн оны намраас түүнийг илчлэгдэж магадгүй гэсэн болгоомжлол үүссэн тул Барууны тусгай албадын туршуул болсон эрдэмтнийг хил давуулах ажиллагааг төлөвлөж эхэлжээ. 

Израилийн тусгай алба болох “Моссад” 12-р сард түүнийг Иранаас гаргаад дүрвэгсдийн дунд нуусан байна. Дараа нь туршуулыг АНУ руу аваачжээ. Эрдэмтэн туршуул Иран улс өөрийн хүлээсэн үүргийг ёсчлон биелүүлж байгаа гэдгийг өгүүлсэн аж. Иран цөмийн зэвсгээр хөөцөлдөхөө больсон бөгөөд зөвхөн эрчим хүч гаргаж авахад анхаарлаа хандуулж байгаа гэдгийг тэрбээр онцолжээ. 

2010 оноос хойш Иранд цөмийн физикч эрдэмтдийн амь насанд таван удаа халдсан билээ. Эрдэмтдийг хороохын тулд машинд нь тэсрэх бөмбөг суурилуулдаг байна. Алан хядагчдыг Израилийн нутаг дэвсгэр дээр тусгайлан бэлджээ. Эдгээр ажиллагааг АНУ болон Израиль санхүүжүүлсэн юм. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарах ёстой юу?
  • Нэн даруй тарах ёстой.
  • Тарах шаардлагагүй
  • Тарлаа гээд юу ч өөрчлөгдөхгүй