Хотынхон “Чэлси”-г бут ниргэв (бичлэгтэй)
2019 оны 2 сарын 11
Английн Премьер-лигийн 26-р тойргийн гол тоглолт “Манчестер Сити”, Лондон хотын “Чэлси” багуудын хооронд болжээ. Английн аварга баг нийслэл хотын багийг 6:0-ийн харьцаатайгаар буулгаж авсан аж. 

Тоглолт эхлээд ердөө дөрөвхөн минут болж байхад Рахим Стерлинг “Чэлси”-гийн хаалгыг мялаасан байна. Есөн минутын дараа Серхио Агуэро хотынхны давамгайллыг батлав. Зургаан минутын дараа Агуэро хоёр дахь гоолоо оруулжээ. Тоглолтын 25 дахь минутанд Илкай Гюндоган тоглолтын харьцааг 4:0 болгов. 

Хоёрдугаар үед нөхцөл байдал өөрчлөгдсөнгүй. Агуэро торгуулийн цохилтоор хэт-трик хийсэн байна. Агуэро ийнхүү Премьер-лигт 11 дэх хэт-трикээ оруулав. Тоглолтын эцсийн цэгийг Рахим Стерлинг тавьснаар “МанСити” 6:0-ийн давамгайллаар ялалт байгуулжээ. “Чэлси” Роман Абрамовичийн эзэмшилд очсоноос хойшхи хамгийн том ялагдлаа хүлээв. “Манчестер Сити” 65 оноотойгоор “Ливерпүүл”-ийн хамт хүснэгтийг тэргүүлж байна. Гэхдээ улаануудад нэг тоглолт дутуу байгаа. Харин “Чэлси” 50 оноотойгоор хүснэгтийн зургаадугаар байрт бичигдсэн хэвээр байна. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарах ёстой юу?
  • Нэн даруй тарах ёстой.
  • Тарах шаардлагагүй
  • Тарлаа гээд юу ч өөрчлөгдөхгүй