Хурд хэтрүүлж, гүйцэж түрүүлэх гэснээс болж 13 хүний амь эрсэджээ
2019 оны 2 сарын 11

-ОРОН НУТГИЙН ЗАМД ЖОЛООЧ НАР ХУРД ХЭТРҮҮЛСНЭЭС НИЙТ ОСЛЫН 80% НЬ ГАРЧЭЭ-

Сар шинийн баяр, амралтын өдрүүдэд буюу хоёрдугаар сарын 04-10-ны өдрүүдэд улсын хэмжээнд тус алба нь нийт 1903 дуудлага, мэдээллийг хүлээн авснаас зам тээврийн ослын шинжтэй 489 дуудлагыг хүлээн авчээ.

Нийт бүртгэгдсэн ослын улмаас 13 хүний амь нас хохирч, 60 хүн гэмтсэн байна. Ослын улмаас амь нас нь хохирсон хүний 92 хувь буюу 12 нь орон нутгийн замд гарсан аж. Харин гэмтсэн хүний 80 хувь буюу 49 нь нийслэл хотод бүртгэгджээ.

Бүртгэгдсэн осол, хэргийг өнгөрсөн 2018 оны сар шинийн баярын өдрүүдтэй буюу Битүүн, Шинийн 1-3-ны өдрүүдийн нөхцөл байдалтай харьцуулахад дуудлага мэдээлэл 13 хувиар, бүртгэгдсэн осол гурван хувиар, гэмтсэн хүний тоо 23,8 хувиар, хүүхэд өртсөн осол 77 хувиар, согтуугаар тээврийн хэрэгсэл жолоодсон зөрчил 24 хувиар тус тус буурсан боловч ихэвчлэн орон нутгийн замд хүний амь нас хохирсон ноцтой осол гарсан байна.

Орон нутгийн замд баярын өдрүүдэд гарсан зам тээврийн осол нь буруу тээвэрлэлт, гүйцэж түрүүлэх үйлдлийг буруу үйлдэх, хэт ядарсан үедээ тээврийн хэрэгсэл жолоодсон гэх зэрэг шалтгаан зохиолж байна.

Хамгийн их буюу 65 орчим хувь нь жолооч нар холын замд хурд хэтрүүлснээс онхолдох, мөргөлдөх хэлбэрээр зам тээврийн осол гарсан аж. Мөн хүүхдийг буруу тээвэрлэсэн нь осол гарах үед амь насаа алдах гол шалтгаан нь болсон талаар албаныхан онцолж байна.

Тухайлбал, Архангай, Дундговь, Булган, Төв, Орхон аймгуудад ноцтой зам тээврийн осол бүртгэгдсэн бөгөөд тухайлбал Булган аймгийн Хутаг өндөр сумын Уньт багийн нутаг “Урантогоо” гэх газар асфальтан замд Toyota Harrier маркийн автомашин онхолдож, зорчигч долоо настай эрэгтэй Б нас барж, зорчигч нарын гурван хүн гэмтсэн.
Төв аймгийн Лүн сумын хоёр “Цагаанхөтөл” гэх газар асфальтан замд Toyota Prius маркийн автомашин онхолдож, зорчигч нарын хоёр хүний амь нас хохирч, гурван хүн гэмтсэн зэрэг ноцтой зам тээврийн ослууд бүртгэгдсэнийг харъяа нутаг дэвсгэрийн цагдаагийн байгууллагад шалгаж байна.

СЭРЭМЖЛҮҮЛЭГ: Өнөөдрөөс ерөнхий боловсролын сургуулийн хичээл эхэлж байгаатай холбоотойгоор замын хөдөлгөөний ачаалал нэмэгдэх тул иргэдийг цагаа зөв тохируулж гардаг цагаасаа 5-10 минутын өмнө гарах, бага насны хүүхдийг харгалзах хүнгүйгээр замын хөдөлгөөнд оролцуулахгүй байх, хүүхдийг автомашинд хамгаалах хэрэгсэл хэрэглэн тээвэрлэхийг зөвлөж байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй