Крис Прэтт шавхруугаар хооллодог байжээ
2019 оны 2 сарын 11
Холливудын жүжигчин Крис Прэтт нэрт жүжигчин Арнольд Шварценеггерийн хүргэн болох гэж байгааг бид мэднэ. “Галактикийн хамгаалагчид” кинонд гол дүр бүтээсэн Прэтт цагтаа зөөгчөөр ажиллаж байсан гэдгээ дурсан ярив. Тэрбээр саяхан нийгмийн сүлжээнд Bubba Gump Shrimp Company зоогийн газрын ширээний ард сууж буй зургаа тавиад, тэнд зөөгчөөр ажиллаж байхдаа үйлчлүүлэгчдийн орхисон хоолны үлдэгдлээр амь зогоодог байснаа бичжээ. 

Крис “20 жилийн өмнө би тэнд зөөгчөөр ажилладаг байсан. Тэнд очих тоолондоо би хүмүүсийн үлдээсэн шавхруугаар хооллодог байснаа санадаг юм” хэмээн дурсжээ. Жүжигчин залуу хүмүүст хоол идээд гарахдаа нийт үнийн дүнгийн 20 хувиас доошгүй хэмжээний цайны мөнгө үлдээж байхыг уриалсан байна. Крисийг зөөгчөөр ажиллаж байхад нь нэгэн найруулагч түүнийг хараад кинонд тоглохыг урьсан байдаг. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй