Голомт банк орших уу, эс орших уу?
2019 оны 2 сарын 12
“Голомт” банкыг чиглэсэн хөдөлгөөн ойрын үед тасрахгүй нь бололттой. Ямар нэгэн өглөг тараагаагүй атал яагаад хүмүүс тийшээ хурдлаад байгаа нь сонин. Хүмүүсийн ярилцах нь,”Голомт” дампуурч байгаа гэх. Олныг мөлжиж баяжсан “Голомт”-д олны итгэл алдарчээ. Хадгаламж эзэмшигчид мөнгөө татаж байхад аж ахуйн нэгж байгууллагууд дансаа өөр банк руу шилжүүлж байгаа тухай шум олон нийтэд тархаад эхэлчихлээ. Монголын эрх мэдэлтнүүдийн “халаасны” гэгддэг банкны санхүүгийн чадавхи ийнхүү муудсан бололтой.

Монголын арилжааны томоохон банкууд болох “Анод”, “Зоос” банк 2005, 2006 онуудад ээлж дараалан дампуурлаа зарлаж, түүний ул мөр одоо ч арилаагүй байна. “Анод” банкны хувьд 1200 гаруй хадгаламж болон хувьцаа эзэмшигчээ хохироосон  маргаан эцэслэн шийдэгдэлгүй өнөөрийг хүсэн. Дампуурлаа зарласнаас хойш 10 гаруй жилийн хугацаа өнгөрсөн ч асуудал нь нэг мөр шийдээгүй атал дахин араас нь манай улсын өмнөө барьдаг томоохон арилжааны банкны нэг болох “Голомт” банкинд асуудал үүссэн талаар шум дэгдэж эхэллээ.

МУ-ын Ерөнхий прокурор асан Д.Дорлигжавт “Алтан дорнод Монгол” ХХК-ийн захирал Т.Ганболд 4 сая ам.долларын авлига өгөхдөө “Голомт” банкны дансаар дамжуулсан. Ингэхдээ“Голомт банкны ТУЗ-ын дарга асан Д.Баясгалан дур мэдэн Т.Ганболдын гарын үсэг, зөвшөөрөлгүйгээр гүйлгээ хийсэн байдаг. Тиймээс АТГ-аас Голомт банкийг үүсгэн байгуулагчдын нэг, хамгийн их хувьцаа эзэмшигч, ТУЗ-ын дарга асан Д.Баясгаланг өнгөрсөн сарын 23-ны өдөр шалгаж, цагдан хорих 461-р ангид хорьсон ч удалгүй батлан даалтаар суллагдсан. Гэхдээ түүнийг хил давахыг нь хориглосон байгаа юм. Ийнхүү Д.Баясгалан эрүүгийн хэрэгт холбогдон шалгагдаж эхэлснээр “Голомт” банк орших уу эс орших уу гэдэг л болж байна.

Энэ мэтээр дээрээ суудлаа олохгүй бол доороо гүйдлээ олохгүй гэдэг шиг Голомт банкны хууль бус үйлдлүүд ар араасаа илэрсээр л байна.

Мөн Татварын ерөнхий газар, Сангийн яам, Монгол банкнаас НӨАТ-ын буцаан олголтыг цагаан сарын өмнө иргэдийн дансанд оруулсан. Гэвч Голомт банкны харилцагчид одоог хүртэл авч чадахгүй л явна.

Үүнд бухимдсан иргэд "Голомт банкны сошиалаар НӨАТ-аа авсан хүмүүсийн мөнгө оров уу. Голомт банк ч мэдэгдэлээ устгачихаж. Мянга мянган хүнийг молиго үмхүүлчихэж байгаа юм уу" гэх зэргээр бухимдаж эхэллээ.

“Анод” банкны удирдлагууд шалгагдаж байх үед олон нийтийн дунд “Анод банкийг дампуурах гэж байна. Мөнгө байршуулдаг бол хурдан татаж авах нь зүйтэй” гэсэн яриа гарч байсан ч тус банкны зүгээс олон нийтийн дунд тарж байгаа яриаг няцаасаар байгаад нэг л өглөө дампуурлаа зарлаж, мөнгөө байршуулсан олон мянган иргэд хохироод үлдсэн гашуун түүх бий. Олны үг ортой гэгчээр “Голомт” банкинд хадгаламжтай, харилцагч иргэд сэрэмжтэй байхад илүүдэхгүй биз ээ.

Ямартай ч олон нийтийн сүлжээнд тарсан энэхүү мэдээллийн үнэн зөвийг тус банкныхан дэнслэх бизээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй