Бэн Аффлек адал явдалт кинонд дургүй
2019 оны 3 сарын 6
Жүжигчин Бэн Аффлек “Бэтмэн” киноны дараагийн ангийн зохиолыг бичих, найруулах ажлыг яагаад орхисноо тайлбарлажээ. Уорнер Брос кино компани 2016 онд Аффлекийг Брюс Уэйний дүрд тоглохоос гадна дараагийн ангийн зохиол дээр ажиллаж, киног найруулна хэмээн мэдэгдэж байсан. Харин удаа ч үгүй Бэн уг кино төслийг орхисон юм. 

46 настай жүжигчин эр нэгэн ярилцлагадаа адал явдалт төрөлд багтах “Бэтмэн” киноны зохиол дээр ажиллах нь онцгүй байсан гэдгээ хэлжээ. “Асуудлын нэг хэсэг нь үүнд байсан юм. Бид зохиол дээр ажиллаж байхад надад огтхон ч сайхан байгаагүй. Учир нь, сэтгэлийг минь хөдөлгөхгүй байгаа зүйл дээр ажиллах хүсэл надад төрөхгүй байсан” хэмээн Бен ярьжээ. 

Түүнийг “Бэтмэн”-ий өмсгөлөөс татгалзах нь гэх дуулиан эртнээс гарсан билээ. Өнгөрөгч нэгдүгээр сард Бэн “Бэн Аффлек Брюс Уэйний бамбарыг дараагийн хүнд дамжууллаа” гэх мэдээний холбоосыг твиттерт жиргээд дор нь “2021 оны зун гарах “Бэтмэн”-ийг Мэтт Рийвсийн найруулгаар үзнэ гэхээс сэтгэл догдолж байна” хэмээн бичсэн нь асуудлыг ойлгомжтой болгосон юм. 

Аффлек супер баатрын дүрийг “Бэтмэний эсрэг Супермэн” (2016), “Шударга ёсны баг” (2017) болон “Үхлийн салаа” кинонуудад бүтээсэн билээ. 

Одоогоор дараагийн Бэтмэн хэн болох нь тодорхойгүй байгаа ч Уорнер Бросын зүгээс 2021 оны зургаадугаар сарын 25-нд киноны дараагийн ангийн нээлт болно гэдгийг зарлаад буй юм. 
justice league зурган илэрцүүд

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй