Идрис Элба ”Үхлийн салаа”-нд нэгджээ
2019 оны 3 сарын 7
Идрис Элба үхлийн салаанд нэгджээ. Эх сурвалжийн өгүүлж буйгаар Уорнер Брос кино компани Элбаг жүжигчин Уилл Смитээр сольсон гэнэ. "Үхлийн салаа" кинонд Deadshot-ын дүрийг бүтээсэн Уилл Смит таарамжгүй харьцаанаас үүдэн уг төслийг орхих болсон тул студийн зүгээс түүнийг орлох дараагийн жүжигчнийг есдүгээр сараас хойш яаравчлан хайж эхэлсэн аж. 

Гэхдээ киноны дараагийн ангид Deadshot-ын дүрийг Элба бүтээхээр болсон гэх мэдээлэл саяхнаас л ил болсон юм. Харин өөр нэг гол дүр болох Харли Куиний дүрийг Марго Робби дахин бүтээх юм. Киноны дараагийн ангийн зохиолыг Жэймс Ган бичиж, найруулах аж. Кино 2021 оны наймдугаар сарын 06-нд дэлгэцнээ гарахаар товлогджээ. 
 
2016 онд гарсан "Үхлийн салаа" кинонд Уилл Смит, Жаред Лето, Марго Робби нар тоглосон бөгөөд Бокс оффист шуугиан тарьж, 746 сая долларын ашиг олсон билээ. 


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
”Эрдэнэт”-ийн 49 хувийг төр буцааж авах нь зөв үү?
  • Зөв
  • Буруу
  • Мэдэхгүй