Зэвсэг экспортлогч топ 5 улс
2019 оны 3 сарын 12
Шведийн Стокгольм хотод төвтэй Энх тайвны асуудлыг судлах олон улсын хүрээлэнгийн шинжээчид дэлхийн зэвсэг худалдаалагч томоохон улс, орнуудын чансааг гаргажээ. Өнгөрсөн дөрвөн жилийн хугацаанд ердийн зэвсэглэлийн үндсэн төрлүүдийн нийлүүлэлт дэлхийн хэмжээнд 7,8 хувиар нэмэгджээ. 

1. АНУ

Сүүлийн дөрвөн жилийн хугацаанд АНУ-ын зэвсгийн экспорт өмнөх дөрвөн жилээс 29 хувиар нэмэгджээ. Тус улсын зэвсгийн худалдааны эзлэх хувь хэмжээ 30-36 хувь болтлоо нэмэгдсэн гэнэ. Ингэхдээ зэвсгийн экспортын талаас илүү хувь нь Ойрхи Дорнодын бүсэд ногдов. Сүүлийн таван жилийн хугацаанд АНУ дэлхийн 98 улсад зэвсэг нийлүүлсэн мэдээтэй байна. 

2. ОХУ

2009-2013 онуудыг бодвол ОХУ-ын зэвсгийн экспорт сүүлийн дөрвөн жилд 17 хувиар буурсан үзүүлэлттэй байна. Гол худалдан авагчид болох Энэтхэг, Венесуэл импортоо багасгасантай энэ нь холбоотой. Ялангуяа Энэтхэг Улс Оросоос их хэмжээний зэвсэг худалдаж авдаг. Энэтхэг нийт зэвсгийнхээ 58 хувийг ОХУ-аас авдаг мэдээтэй байна. 

3. БНФУ

Франц Улс сүүлийн дөрвөн жилд зэвсгийн экспортоо 43 хувиар нэмэгдүүлжээ. Ялангуяа Европын холбооны гишүүн улс, орнуудад зэвсгийг ихээр нийлүүлдэг юм. 

4. ХБНГУ

Сүүлийн дөрвөн жилд Герман зэвсгийн экспортоо 13 хувиар нэмэгдүүлжээ. Германы зэвсгийг Египт улс ихээр худалдан авчээ. Персийн булангийн орнууд дайн дажин, зэвсэгт мөргөлдөөнтэй байгаа учраас зэвсэглэлээр хөөцөлдөх нь их байгаа аж. 

5. БНХАУ

Хятад сүүлийн дөрвөн жилийн хугацаанд зэвсгийн экспортоороо тавд жагссан аж. Хятад улс дэлхийн 53 оронд зэвсэг нийлүүлсэн аж. Ялангуяа Лалын Бүгд Найрамдах Пакистан Улс Хятадын зэвсгийг ихээр худалдан авчээ. Нийт зэвсгийн экспортынх нь 37 хувийг “хүртсэн” байна. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй