Хөлгүй эр Атлантын далайг гатлав (бичлэгтэй)
2019 оны 3 сарын 12
Их Британийн иргэн 49 настай Ли Спенсер ганцаараа 60 хоногийн дотор сэлүүрт завиар Атлантын далайг гатласан байна. Тэнгисийн цэргийн алба хаагч асан тэрбээр 2014 онд нэг хөлөө тайруулжээ. Тэгвэл энэ хөгжлийн бэрхшээлтэй эр дэлхийн дээд амжилтыг тогтоосон байна. 

2014 онд Спенсер зам тээврийн осолд орсон мотоциклчинд туслах гэж байгаад хөлгүй болжээ. Тэрбээр цэргийн албыг 24 жил хаахдаа Ирак, Афганистан зэрэг дайны бүсэд тулалдаж явсан нэгэн. Спенсер аяллаа нэгдүгээр сарын 09-ний өдөр Португалиас эхлүүлээд яг хоёр сарын дараа Францын Гвианад зангуугаа хаясан гэнэ. Ингэснээр Спенсер мэргэжлийн тамирчин Штэйн Хоффын 17 жилийн өмнө тогтоосон дээд амжилтыг 36 хоногоор эвджээ. 

Энэ эрэлхэг үйлдлээ Спенсер хөгжлийн бэрхшээлтэй бүх хүмүүст зориулсан гэнэ. Аялалд гарсан хойно нь хүмүүс түүнд 65,3 мянган доллар хандивласан аж. Спенсер энэ мөнгийг тэнгисийн цэрэгт алба хаасан хүмүүст тусладаг буяны байгууллагад хандивлахаар шийдэв. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй