А аминдэмийг бага насны хүүхдүүдэд өрхийн эмнэлгүүдээр дамжуулж олгоно
2019 оны 3 сарын 12
Хавар цагт хүмүүсийн дархлаа сулрах магадлал ихэсдэг тул өрхийн эмнэлгүүдээр бага насны хүүхдүүдэд A аминдэм олгодог. Тавдугаар сараас эхлэн зургаан сартайгаас тав хүртэлх насны хүүхдэд А аминдэмийг өрхийн эмнэлгүүдээр олох аж. 

Өнөөдрийн байдлаар Завхан, Говь-Алтай аймгийн болон Баянзүрх дүүргийн зургаан сартайгаас таван нас хүртэлх хүүхдүүдэд, Сонгинохайрхан дүүргийн мөн насны зарим хүүхдэд олон найрлагат бичил тэжээлийг өгч эхэлжээ. Энэхүү олон найрлагат бичил тэжээлийн жилийн хэрэгцээг UNICEF санхүүжүүлж байгаа бөгөөд 12 төрлийн амин дэм, зургаан төрлийн эрдэс бодисыг агуулдаг байна.

А аминдэмийг жилд хоёр удаа тавдугаар сар болон арваннэгдүгээр сард ууснаар дархлаа сайжирч, амьсгалын замын салст бүрхэвчийн хэвийн байдал хангагдан, амьсгалын замын өвчлөл, ханиад, томуу, томуу төст өвчнөөс сэргийлэх ач холбогдолтой.
  • 6 -11 сартай хүүхэд 100,000 олон улсын нэгж А аминдэмийг
  • 12-59 сартай хүүхэд 200,000 олон улсын нэгж А аминдэмийг жил бүрийн 5 болон 11 дүгээр сард ууна.
  • 6 хүртэлх сартай хүүхэд эхийн сүүнээсээ шаардлагатай А аминдэмийг авдаг

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
”Эрдэнэт”-ийн 49 хувийг төр буцааж авах нь зөв үү?
  • Зөв
  • Буруу
  • Мэдэхгүй