”Эко Алтан Заамар”-ынхныг шалгаж эхэлжээ
2019 оны 3 сарын 13
Төв аймгийн Заамар суманд үйл ажиллагаа явуулдаг “Эко алтан заамар” компанийн удирдлагуудыг цагдаагийн байгууллагаас хэрэг бүртгэл нээн шалгаж эхэлжээ.

Тодруулбал, өнгөрсөн сарын сүүлчээр тус компанийн уурхайд хөрсний нуралт үүсч дөрвөн иргэн харамсалтайгаар амиа алдсан хэрэг гарсан билээ.

Уг хэрэгт компанийг буруутгаж байгаа бөгөөд тухайн компани нуурын усаа карьертай ойрхон байрлуулснаас болж нуур хальж, нуралт үүссэн гэх мэргэжлийн хяналтын урьдчилсан дүгнэлт гарсан юм. Мөс усны судлаас ч болсон байж магадгүй. Түүнээс газар хөдлөлт боллоо гэхэд хөрс нурах хэмжээнд хүргэхгүй гэсэн тайлбарыг албаныхан өгсөн юм. Тэгвэл энэхүү харамсалтай хэрэгт компани буруудаж байгаа юм.

Энэ талаар цагдаагийн байгууллагаас тодруулахад “Төв аймгийн цагдаагийн байгууллагаас шалгаж байгаа” гэв.
 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
”Эрдэнэт”-ийн 49 хувийг төр буцааж авах нь зөв үү?
  • Зөв
  • Буруу
  • Мэдэхгүй