Гишүүдийн хурууны хээгээр санал өгөх төхөөрөмжийг байршуулжээ
2019 оны 3 сарын 14
УИХ-ын чуулганы 2018 оны зургадугаар сарын 29-ний  өдрийн хуралдаанаар УИХ-ын хуралдааны Дэгийн тухай хуульд нэмэлт өөрчлөлт оруулсан. Уг өөрчлөлтөөр гишүүд ирц, саналаа  хурууны хээгээр өгдөг байх заалт оруулсан билээ. Тодруулбал, Дэгийн тухай хуулийн 9 дүгээр зүйлийн Санал хураалт явуулах ерөнхий журмаар:

9.1.Хуралдаанаар хэлэлцэж байгаа асуудлыг ил болон нууц санал хураалтаар шийдвэрлэнэ.

9.2.Ил санал хураалтыг гар өргөж, эсхүл цахим тоолуураар, нууц санал хураалтыг санал хураах хуудсаар, эсхүл цахим тоолуураар явуулна. /Энэ хэсэгт “Хуралдааны ирцэд бүртгүүлэх, асуулт асуух, үг хэлэх, цахим тоолуураар санал өгөхөд биеийн давхцахгүй өгөгдөл /гарын хурууны хээ/-өөр идэвхэждэг систем бүхий цахим тоолуурыг ашиглана.” гэсэн 2 дахь өгүүлбэр 2018 оны 6 дугаар сарын 29-ний өдрийн хуулиар нэмэлт оруулсан бөгөөд 2019 оны 04 дүгээр сарын 05-ны өдрөөс эхлэн дагаж мөрдөнө./ гэж тус тус заасан. 

Энэ хуулийн гишүүд хурууны хээгээр ирцээ бүртгүүлж, саналаа өгөх заалт хуулинд заасны дагуу хаврын чуулганаар хэрэгжиж эхлэх юм. 

Харин гишүүдийн хурууны хээгээр саналаа өгөх төхөөрөмжийг УИХ-ын Тамгын газраас бэлэн болгож, чуулганы танхимд байршуулсан байна. Гишүүд хурууны хээгээр саналаа өгснөөр бусдын өмнөөс кноп дардаг хууль бус үзэгдэл арилна гэж үзэж байгаа юм. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
”Эрдэнэт”-ийн 49 хувийг төр буцааж авах нь зөв үү?
  • Зөв
  • Буруу
  • Мэдэхгүй