Мөнгийг шаламгай тоолдог кассчид (бичлэгтэй)
2019 оны 3 сарын 16
Цаасан мөнгийг маш хурдан хугацаанд тоолох урлагт Хятадын кассчид, банкны ажилтнууд төгс суралцжээ. Өнөөдөр дэлхий даяар мөнгөн дэвсгэрт тоолох цахилгаан машинуудыг өргөн ашигладаг болсон ч Хятадын зарим нэг банкны ажилтнууд урьдын адил мөнгийг гараар тоолсон хэвээр байна. Зарим нэг нь үнэхээр чадварлаг болсон нь нууц биш. 

Нийгмийн сүлжээнд асар хурдан, шаламгай гэгч нь мөнгө тоолж буй бичлэгүүд жинхэнэ шуугиан тарьж байна. Кассчид, банкны ажилтнууд мөнгийг гараар тоолох янз бүрийн аргуудыг хэрэглэдэг аж. Зарим нэг телевизийн шоуд хүртэл оролцож, хоорондоо өрсөлддөг байна. Дор толилуулж буй бичлэг дээр гарынхаа бүх хурууг мөнгө тоолоход ашиглаж буй эмэгтэйг харж болно. Боодол мөнгийг ердөө хэдхэн хормын дотор тоолж дөнгөх аж. 

Саяхан нэгэн телевизийн шоуд оролцсон дөрвөн теллер хагас минутын дотор хэчнээн мөнгөн дэвсгэртийг тоолж чадахыг шалгаруулжээ. Оролцогч бүрийн нүдийг нь боогоод багц мөнгө гардуулсан байна. Хоёр нь тоолохдоо алдаа гаргасан бол Ли Ли гэдэг теллер бүсгүй 30 секундын дотор 191 дэвсгэртийг зөв тоолж чадсан байна. Дараа нь Хятадын өөр нэг банкинд Жо Жо дэлхийн дээд амжилтыг эвдэж, хагас минутын дотор 202 мөнгөн дэвсгэртийг тоолсноор Гиннесийн дээд амжилтын номд багтсан гэнэ.
 


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
”Эрдэнэт”-ийн 49 хувийг төр буцааж авах нь зөв үү?
  • Зөв
  • Буруу
  • Мэдэхгүй