80 сая доллар Кличког рингэн дээр гаргана
2019 оны 3 сарын 19
Үнэмлэхүй жинд боксын дэлхийн аварга асан Уркаины нэрт ширэн бээлийтэн Владимир Кличко тамирчны замналаа үргэлжлүүлж магадгүй болоод байна. Түүнд гурван тулаан хийхийг санал болгосон бөгөөд мань хүн эдгээрийг хийвэл 80 сая долларыг баталгаатай халааслах юм. 

Их Британийн нэгэн компани 42 настай Владимир Кличког ийнхүү гижигдэж байгаа аж. Эхний тулааныг Кличко чансаагаараа дэлхийд эхний 10-т багтаж байгаа боксчинтой хийх болно. Дараа нь Энтони Жошуа юм уу Тайсон Фьюри нарын нэгэнтэй нь үзнэ. Өмнө нь өөр компаниуд Кличкод 40 сая долларыг амлаж байсан удаатай. Харин боксчин эр мөнгийг нь голсон билээ. 

Хамгийн сүүлчийн мэргэжлийн боксын тулаанаа Кличко хоёр жилийн өмнө хийсэн. Тэгэхэд Их Британийн ширэн бээлийтэн Энтони Жошуатай нударга зөрүүлээд ялагдсан юм. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй