Гишүүдийн 600 саяын үнэтэй төхөөрөмж ажиллахгүй гацав
2019 оны 4 сарын 11
УИХ-ын чуулганы өнөөдрийн хуралдааны эхэнд С.Зоригийг хөнөөсөн хэрэгтэй холбоотой “Түр хороо байгуулах тухай” УИХ-ын тогтоолын төслийг чуулганы нэгдсэн хуралдааны хэлэлцэх асуудалд нэмэх санал гаргаж санал хураалт явуулах үед 600 саяын үнэтэй хурууны хээгээр санал авах төхөөрөмж ажиллахгүй чуулганы үйл ажиллагаа 20 минут гацав. 

Энэ талаар УИХ-ын дарга Г.Занданшатар “Миний хурууны хээг ч уншихгүй байна. УИХ-ын Тамгын газрын технологи хариуцсан ажилтнууд яаралтай засварлана уу. Чуулганы санал хураалт явуулах нөхцөл бүрдэхгүй болчихлоо. Тестээр нэг санал хураалт хийе” гэсэн бол УИХ-ын Тамгын газраас "Программ техникт асуудал байхгүй. Хурууны төхөөрөмжөөр ирц бүртгүүлэхэд болсон бол санал хураахад ч асуудалгүй. Хуруугаа яаж уншуулж байна гэдгээс л шалтгаалж байгаа байх. Дэгийн тухай хуулиар гар өргөж санал хураалт явуулах боломжтой. УИХ-ын дэгийн тухай тухай хууль санал хураалтыг гар өргөн явуулж болно гэж заасан байдаг” гэсэн тайлбарыг өгчээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй