Нөөцийн мах өнөөдрөөс эхэлж худалдаанд гарна
2019 оны 4 сарын 15
Нийслэлчүүдийн дунд хүлээлт үүсгээд байгаа нөөцийн махыг өнөөдрөөс эхэлж худалдаанд гаргах талаар мэдээлсэн билээ.

Хотын хүн амын хаврын улирлын махны хэрэгцээ дунджаар 12.2 мянган тонн гэсэн тооцоо бий. Гэвч хаврын улиралд мах хомсдож, үнэ нь нэмэгддэг. Тиймээс нийслэл хотын иргэдийг хямд өртөгтэй махаар хангах зорилгоор  жил бүр мах нөөцлөх арга хэмжээг авдаг.

Энэ оны улсын төсөвт 4.6 тэрбум төгрөг тусгаж мал төхөөрөх, мах боловсруулах үйлдвэр бүхий долоон аж ахуйн нэгжээс нийт 4000 тонн мах бэлтгэж нөөцөлсөн байна. 

Нөөцийн махны жижиглэнгийн үнэ одоо зарагдаж буй махнаас хямд байх бөгөөд үхрийнх нэг килограмм нь 7200, хонины мах 6000, ямааны мах 5500 төгрөгөөр зарагдах юм байна. Гэхдээ махны хэрэгцээ, ханшаа дагаад нэмэгдэж ч магадгүй юм байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй