Гоодойд түймэр гарч 16 айл шатжээ
2019 оны 4 сарын 15

Сүхбаатар дүүргийн 19 дүгээр хорооны нутаг дэвсгэрт байрлах, Гоодойн зусланд гал гарч, 16 айл галд өртөж шатав. Галын тухай дуудлага мэдээлэл 14.20 цагийн орчимд Нийслэлийн онцгой байдлын газарт иржээ.

Гал гарч буй голомтод Нийслэлийн Онцгой байдлын албаны дөрвөн ангийн 100 гаруй албан хаагч, 28 машин техник хэрэгсэлтэй ажиллаж галыг ой руу оруулалгүй унтраалаа.

image

Албанаас өгч буй мэдээллээр тус зуслангийн оршин суугч төмөр хашаагаа гагнаж байхдаа оч алдсанаас гал гарчээ. 16 айлын хоёр нь гэртэй байжээ. Цагдаагийнхан галын газарт ажиллан, хэрэг бүртгэлтийн ажиллагаа явуулж байна.

Галын улмаас хохирсон иргэд Гоодойн зусланд цуглаад байгаа ч цагдаагийнхан хамгаалалтад гарсан тул "галын голомт" руу нэвтрүүлэхгүй байгаа аж. 

Хуурайшилт их байгаа энэ үед айл, өрх иргэдийг анхаарал болгоомжтой байхыг анхааруулсаар байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй