Мэс засалд орсон эрийг үл таних муур ”халамжилж” байжээ
2019 оны 4 сарын 18
Заримдаа амьтад хүнд юу хэрэгтэй байгааг биднээс ч илүү мэдэрч чаддаг гэлтэй. Шинэ Зеландадын иргэн Фаллооны твиттерт оруулсан зураг үүнийг батлах мэт. Түүний аав мэс засалд орсон бөгөөд гэртээ ирээд удаагүй байсан гэнэ. Гэтэл түүнийг гэртээ дугхийж байхад нь дөрвөн хөлт үл таних зочин гэрт нь орж ирээд, цээжин дээр нь хэвтэн, хамтдаа тухтай нь аргагүй унтсан байна. 

Хамгийн хөгжилтэй нь муур өвөр дээр нь гарахыг өвгөн мэдээгүй бөгөөд сэрэхдээ хүзүү рүү нь толгойгоо наачихаад унтаж буй муурыг олж хараад багагүй гайхсан гэнэ. Хүүгийнх нь хэлж буйгаар ээж нь гарахдаа үүдээ онгорхой орхисныг муур ашиглаж тэдний гэрт орсон бололтой. Харин ээж нь эргэж ирээд хөгшин нь буйдан дээр мууртай хамт бат бөх нойрсож буйг хараад нөхрөө сэрээхээсээ өмнө зургийг нь дарж амжсан байна. 

Энэхүү муур тэдний гэрт анх удаа ирж байгаа нь энэ биш аж. Гэхдээ хэзээ ч аавтай нь ийм ойр байгаагүй гэнэ. Тэгэхлээр энэ амьтан эцэгт нь юу хэрэгтэй байгааг мэдэрсэн бололтой. Түүнийг Зигги гэдэг бөгөөд үргэлж хаа сайгүй тэнүүчилж явдаг аж. Фаллооны хэлснээр эцэг, эх нь сүүлийн хэдэн жил огт амьтан тэжээгээгүй ч одоо Зиггиг авч тэжээж мэдэх гэнэ. Учир нь, тэд энэхүү "халамжтай" муурыг ирэх бүрт маш их баярладаг гэнэ шүү. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй