Байгалийн түүхийн музейгээ бариагүй атлаа Нотр Дамд санаа зовних монгол
2019 оны 4 сарын 19
notre dame зурган илэрцүүд
Өнгөрсөн даваа гаригт хүн төрөлхтөний гайхамшигт урлагийн өв Нотр Дам буюу Парисын дарь эхийн сүм галд өртөж, дээвэр хэсэг нь бүхэлдээ шатсан. Францын Ерөнхийлөгч Эммануэл Макрон сүмийн галд өртсөн хэсгийг таван жилийн дотор сэргээн засна гэж өчигдөр мэдэгдлээ. Сэргээн босгох үйлсэд зориулсан хандивын аян Франц даяар өрнөж, 24 цагийн дотор нийт 730 сая доллар бүрдсэн байна. Үүний талыг буюу 340 сая долларыг Францын баячуудын жагсаалтад нэг, хоёрдугаарт ордог эрхмүүд өгнө гэж мэдэгдлээ. Харин үлдсэн 390 сая долларыг Францын иргэд болон дэлхийн өнцөг булан бүрээс хандивлаж дэлхийн урлагийн суут бүтээлийг сэргээн засах ажилд хувь нэмрээ оруулж байгаа юм.

Энэ үйл явдал хүн төрөлхтөний түүхэнд нөхөж баршгүй хохирол учруулахын зэрэгцээ дэлхийн олон тэрбум хүний харууслыг төрүүлсэн юм. Монголчууд ч мөн эмгэнэн, гашуудаж харамсал илэрхийлсэн захидлыг Франц улсын удирдлагууд руу хүргүүлэв.

Уг үйл явдал өөрсдийн урлагийн үнэт өвөө хайрлаж, хамгаалж чадаж байгаа эсэх асуудлыг бидний дунд давхар хөндөв. Энэ асуудлаар хоёр өдөр хэлэлцүүлэг өрнүүлсний эцэст музейгээ ч сэргээн засварлаж чадаагүй юм байна гэх ганцхан дүгнэлтэд хүргэлээ.
Image may contain: 1 person, smiling, text
Үүний тод жишээ нь, Байгалийн түүхийн музей юм. Тус музейн барилгыг тун удахгүй нурааж, газрыг нь дуудлага худалдаагаар зарахаар бэлтгэж байна. Газрынх нь мөнгөөр хаа нэгтээ Байгалийн түүхийн музейг шинэ босгоно гэсэн. Сайн судлаад үзвэл энд ноцтой асуудлууд бий.

Чойжин ламын сүм музей ч мөн хашаагаа сүйтгүүлж, балгас болсон барилгатайгаа олон жилийн элээв. Ганц Чойжин ламын музей гэлтгүй, Улаанбаатар дахь бүх музейн барилгын насжилт дуусч, хуучирч муудан өнөө, маргаашгүй нурж мэдэхээр байна. Гэтэл бид сэргээн засах нь битгий хэл нурж унахыг нь хүлээж суугаа гэхэд хилсдэхгүй. Музейн барилгууд нурвал газрыг нь манай тэрбумтнууд лоббидож авахыг л хүснэ. Түүнээс өөрөөсөө хөрөнгө гаргаад музейг сэргээн засах уужим сэтгэл тэдэнд үгүй. Монголын тэрбумтнууд Францын баячуудаас үүгээрээ ялгарна. Тэгсэн мөртлөө Нотр Дамын музейд санаагаа чилээнэ. Манай Байгалийн түүхийн музей баригдаж эхлэхээс өмнө Парисын Дарь эхийн сүм сэргээн засварлагдчихна гээд хэлчихвэл худлаа хэлсэн болохгүй л болов уу. 
Холбоотой Зураг
Парисын Дарь эхийн сүм нь жилд 13 сая жуулчин хүлээж авдаг бөгөөд энэ үзүүлэлтээрээ Эйфелийн цамхагийг давдаг байна. Харин Монгол улсад 529 мянган жуулчин ирсэн байна. Энэ нь 2017 оныхоос 58276-аар буюу 11,01 хувиар өссөн үзүүлэлт юм. Энэ хэрээр музей үзэх жуулчдын тоо ч өссөн байна. Харин манай музейн дурсгалт барилгуудын царай бүүдэгхэн, сүүмэлзсэн л байдалтай байна.
Эх сурвалж: Medee.mn

Эх сурвалж www.wikimon.mn
Т.Хулан
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй