”Зоригийн хэрэг”-ийн шүүхийн дүгнэлтийг ил болгохыг шаардав
2019 оны 4 сарын 19
С.Зориг агсны амь насыг хөнөөсөн хэргээр ИЗНН-аас мэдээлэл хийлээ.

Тэдний зүгээс дээрх асуудалтай холбогдуулан улс төрийн тэмцэл хийхээс аргагүй нөхцөл байдал үүссэн гэж үзжээ. Энэ талаар ИЗНН-ын дарга Ц.Ганхуяг "Бид өнөөдрийг хүртэл хүлээцтэй хандаж ирсэн ч цаашид улс төрийн тэмцэл хийхээс аргагүй нөхцөл байдал үүссэн гэж үзэж байна. Хэргийн үнэн мөнийг олохын тулд хэнээс ч айхгүйгээр хүчтэй тэмцлийг эхлүүлэх боллоо. Бид гурван шатны шүүхийн тэмдэглэлийг ил болгохыг шаардаж байна.

Энэ хэрэг илрэхгүй ч байж магадгүй нөхцөл байдалтай байна. Өөрөөр хэлбэл, уг хэрэгтэй холбоотой нотлох баримтыг устгаж магадгүй байгаа юм. Тиймээс манай намын зүгээс тууштай тэмцэнэ.

Өнөөдөр шүүх хуралдааны баримтыг ил болгох нөхцөл бүрэлдсэн. Өмнө нь Үндэсний аюулгүй байдалд харшилж байгаа гэж тайлбарлаж байсан. Гэвч энэ хэрэгт ямар нууц мэдээллүүд багтаж байгаа болоод Үндэсний аюулгүй байдалд хамаараад байгаа юм бэ. ОХУ гэхэд улс төрийн зүтгэлтний амь насыг хоноосон хэргийг Москвагийн шүүхээс хэвлэлийнхнийг оролцуулаад ил тод шүүн таслах ажиллагааг явуулсан байдаг. Үндэсний аюулгүй байдал, төрийн нууц нэрийн дор хүний эрх, эрх чөлөөг хясан боогдуулсан байж болзошгүй байгаа учраас нэгэнт гурван шатны шүүхээс шийдвэр гаргасан бол ил болгох шаардлагатай.

Өчигдөр УИХ-ын чуулган дээр зарим гишүүд шууд хууль хүчний байгууллагын эрх мэдэл рүү халдаж, хоригдож байгаа хүмүүсийг шууд суллах талаар ярьж байна. Тэгж бодохгүй байх. Бидний зүгээс хэргийн үнэн мөнийг олох л зорилготой. Энэ хэрэгтэй холбоотой 60 орчим хавтаст хэрэг байгаа гэсэн. Тэр бүгдийг харахгүйгээр 20 минутын бичлэгээс дүгнэлт хийж болохгүй. 

Салбарын сайдын хэлж байгаагаар хэргийн материалыг хоёр ч удаа ил болгохоор шийдвэр гаргаж байсан гэсэн. Харин нууц гэсэн 70 орчим хуудас хатаст материалд халдаж болохгүй гэж хэлсэн юм билээ. Уг нь Үндсэн хуулиараа монголын ард иргэд мэдээлэл авах эрхтэй. Гэтэл хэнд үзүүлж болох болохгүйг заагаад байна. Гишүүд гэхээрээ иргэдээсээ илүү эрх мэдэл эдэлнэ гэж заагаагүй байх” гэв.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй