Шинэ ном: ”Зүлэйха нүдээ нээхүйд”
2019 оны 5 сарын 1
Номын хорхойтнууд аа, шинэ аялалд гарах уу? Маргадын өнгөт нүдтэй, шавилхан бүсгүй Зүлэйха нүдээ нээж байна. Энэ татар бүсгүй уншигч таныг Хувьсгалын дараах Орос оронд аваачиж, хахир хатуу нийгэм, цөллөг, Ангар мөрөн, хөвчийн тайга, хүнд өвөл, өлсгөлөн, хүн чанар, хайр сэтгэл дундуур гайхал, бахдал, уйтгар гуниг, харуусал, үзэн ядалт, хайр, талархлаар ухаан бодлыг тань үймрүүлж, байж суух аргагүй болтол тань догдлуулж, хамтдаа унаж босон аялахаар тэртээ 1930-аад оноос яаран айсуй. Энэ аяллыг эхлүүлсэн хэн ч зогсохыг үл хүснэ... 

Оросын утга зохиолын ертөнцөд цахиур хагалж буй татар зохиолч Гүзэл Яхинагийн бичсэн, өдгөө дэлхийн 31 улсын хэл дээр хэвлэгдэн гарч буй дэндүү сонирхолтой өрнөлтэй, тасралтгүй сэтгэл догдлуулж, санаашруулж бас сандаргаж чадсан энэ гайхалтай номыг монгол хэл дээр орчуулах, засаж, найруулах ажлыг орчуулагч О.Чинбаяр, Д.Баасанжаргал, О.Чинзориг нар хариуцан ажиллаж буй юм. 

Номонд хайртай, номын ертөнцөөр аялах дуртай уншигч та бүхнийгээ энэ агуу татар бүсгүйтэй ирэх сард болох "Номын баяр"-аар уулзуулахын тулд "Маш нууц паблишинг"-ийн хамт олон бид чинь өдөр, шөнийг үл ялган, нүдээ эрээлжилтэл бэх, цаас нийлүүлж, бичгийн машин товшиж суугаа юм шүү.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй