Арнольд Шварценеггерийн нууц хүү эрийн цээнд хүрчээ
2019 оны 5 сарын 1
Жүжигчин Арнольд Шварценеггерын нууц хүү гэдгээрээ алдартай Жозеф Байена өчигдөр их сургуулиа төгсжээ. Хүүгийнхээ төгсөлтийн баяр дээр Арни очсон бөгөөд хүүтэйгээ авахуулсан зургаа нийгмийн сүлжээнд оруулж, Жозефоор маш их бахархаж буйгаа бичжээ.

Арнольд "Баяр хүргэе, Жозеф. Пеппердиний их сургуульд бизнесийн чиглэлээр дөрвөн жил шаргуу суралцсаны үр дүн гарч байна. Өнөөдөр бол чиний өдөр. Би чамаар маш их бахархаж байна. Хайртай шүү" хэмээсэн байна. 

Жозеф бол Арнольд Шварценеггерийн гэрт үйлчлэгчээр ажиллаж байсан Милдре Пэтти Байенагаас төрсөн хүүхэд билээ. Арни эхнэр Мариа Шрайвертайгаа амьдарч байх хугацаандаа гэрийн үйлчлэгчтэйгээ нэр холбогдсон тул эхнэр нь 25 жилийн хамтын амьдралдаа цэг тавьж, жүжигчин эрээс салсан билээ. 

Жозеф хүүг төрөхөөс хэдхэн хоногийн өмнө Мариа Шрайвер Арнольдод мөн Кристофер нэртэй хүү төрүүлж өгсөн юм. 

Хэдийгээр нууц хүү нь гэгддэг ч Калифорни мужийн амбан захирагч эр Жозеф хүүгээ бусдаас нууцлаад байдаггүй бөгөөд эцэг хүний ёсоор хүүдээ хандаж, энд тэнд хамтдаа явж буй зургаа байнга шүтэн бишрэгчдэдээ мэдэгдэж байдаг билээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй