Н.Алтанхуяг: С.Эрдэнэ ээ, би чамайг дэндүү сайн мэднэ ээ
2019 оны 5 сарын 1
Н.Алтанхуяг өнгөрсөн гуравдугаар сард Ерөнхийлөгчийн зөвлөхийн албан тушаалаа өөрийн хүсэлтээр хүлээлгэн өгч, намынхаа шинэчлэлийн ажилд ханцуй шамлан орно гэдгээ мэдэгдэж байсан.

Гэтэл өнгөрсөн долоо хоногт АН-ын Сонгинохайрхан дүүргийн салбар хорооноос шийдвэр гаргаж, Ерөнхий сайд асан Н.Алтанхуягийг АН-ын гишүүнчлэлээс дөрвөн жилийн хугацаатай хасах шийдвэр гаргажээ. Учир нь түүнийг намын дарга хийж байх хугацаандаа намын байр зарсан, намын хөрөнгөөр машин авсан хэмээн буруутгаж байгаа. Тэгвэл Н.Алтанхуяг үүнийг 2016 оноос хойш явсан гүтгэлэг хэмээн үгүйсгэж сэтгүүлчдэд мэдээлэл хийлээ.

 Тэрбээр “2016 онд С.Элбэгдоржийг МАНАН мафийн толгойгогч гэж зарласнаас хойш амар заяа үзсэнгүй. С.Эрдэнэ гэдэг хүн АН-ын нэр хүнд, олон мянган гишүүний итгэл сэтгэлээр тоглож байна. С.Эрдэнэтэй үзэл бодол нийлээгүй УИХ-ын гишүүд битгий хэл намын жирийн гишүүдээ хөөдөг болсон. Ингэж хөөснөөрөө нам хохирч, УИХ-д бүлэггүй болж, сөрөг хүчний дуу хоолой үгүй боллоо. Цаашид АН-ыг шинэчлэхийн тулд орон нутаг, аймаг, сум, дүүргийн бүх гишүүдийг "АН нэгдэл"-д нэгдэхийг уриалж байна. Бид нэг С.Эрдэнэ байтугай 1990 онд Монголын нийгмийг яаж өөрчилсөн билээ. Хулгайч дээрэмчдээр удирдуулж, тэдний дохио зангаагаар хөдөлдөг цаг хоцорсон" гэлээ.

Мөн тэрбээр "Төрөө тонож, улсаа зардаг хулгайч нар аа. Та нарт АН дэндүү томдоно шүү. АН чинь Монголын нийгмийг сэрээсэн нам. Одоо шударга ёсыг тогтоох түүчээг эхлүүлэх ёстой нам. Та хоёр энэ нам руу хуруу, хумсаа бүү дүр. С.Эрдэнэ ээ, би чамайг дэндүү сайн мэднэ дээ. С.Эрдэнэ ээ, чи гэмт бүлэглэлийн гар хөл болж, тэдний дохио зангаагаар ажилладгаа болио. Хүн гүтгэдгээ болио. Чам шиг хүнд АН-ын дарга байх эрх алга, чамайг зайлуулна аа" хэмээн мэдэгдлээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй