Сахар, сахар орлуулагч хоёулаа аюултай гэдгийг тогтоов
2019 оны 5 сарын 4
Сахар, чихэр агуулсан бүтээгдэхүүн зүрх судасны өвчлөлийг нэмэгдүүлэх шалтгаан болдгийг эрдэмтэд тогтоосон ч чихэр орлуулагч хийсэн ундааг “Сахаргүй” хэмээн шошго тавьж, эрүүл мэндэд хоргүй мэтээр сурталчилж зарж борлуулсаар байгаа билээ.

Тэгвэл сахар, сахар орлуулагч бүтээгдэхүүн аль, аль нь эрүүл мэндэд хортой болохыг эрдэмтэд олон жилийн судалгааны туршид баттай олж тогтоожээ. Харвардын их сургуулийн эрдэмтэд 34 жил үргэлжилсэн судалгааны үр дүнд уг дүгнэлтийг гаргаснаа өчигдөр хэвлэлийн бага хурал хийлгэн албан ёсоор зарласан байна. Сахар орлуулагч агуулсан төрөл бүрийн ундаа нь зүрх судасны өвчин, хорт хавдар үүсгэдгийг тогтоосноо тэд энэ үеэр мэдэгдсэн байна. Сахар орлуулагч агуулсан ууш, ундааг дөрвөөс дээш аягыг хэрэглэх нь ялангуяа эмэгтэйчүүдийн хувьд аажмаар үхэлд хүргэх аюултай тун болохыг тэд онцгойлон анхааруулсан аж. MedicalXpress энэ талаар мэдээллээ.

Эрдэмтэд 1980-2014 оны хооронд 80647 эмэгтэй, 1986-2014 оны хооронд 37 716 эрэгтэйг хамруулан судалгааны ажлаа явуулсан байна. Судалгаанд оролцогчид нь сайн дурынхан бөгөөд 30 гаруй жилийн турш амьдралынхаа хэв маяг, иддэг зүйлсийнхээ талаар дэлгэрэнгүй мэдээллийг тухай бүрт эрдэмтдэд өгч, хоёр жил тутамд эмнэлгийн үзлэг оношлогоо хийлгэж ирсэн байна.

Ингэхэд, сард 1-4 удаа сахар орлуулагчтай ундаа хэрэглэсэн хүний цагаасаа эрт үхэх магадлал 1 хувиар, хоёр долоо хоногт 2-6-г хэрэглэдэг бол зургаан хувь, өдөрт 1-2 удаа хэрэглэдэг бол 14 хувь, өдөрт хоёроос дээш удаа хэрэглэдэг бол 21 хувь хүртэл нэмэгдүүлдэг болохыг баттай тогтоосон байна. Цагаасаа эрт нас баралтын төвшин эмэгтэйчүүдэд эрчүүдээс илүү тохиолддог нь ч тодорхой болжээ.

Цагаасаа эрт нас баралтын үндсэн шалтгаан нь зүрх судасны өвчлөл байсан байна. Чихэр агуулсан ундаа байнга хэрэглэдэг хүний цагаасаа өмнө өвчнөөр үхэх магадлал 31 хувь байсан бөгөөд нэмэлт порц бүхэнд магадлал 10 хувиар өсч байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй