Сургуулийн ойролцоо хүүхдүүд рүү гал нээсэн хэрэг гарчээ
2019 оны 5 сарын 8
АНУ-ын Колорадо мужийн Денвер хотод STEM School Highlands Ranch дунд сургуулиас холгүйхэн галт зэвсэгтэй этгээдүүд сурагчид руу гал нээсний улмаас нэг хүн амиа алдаж, найман хүн шархадсан байна. Цагдаагийнхан хэргийн газраас холгүйхэн хууль бусаар галт зэвсэг эзэмшиж, гал нээсэн байх магадлалтай сэжигтэй хоёр этгээдийг баривчилсан гэдгээ мэдэгджээ. Баривчлагдаад буй хоёр этгээдийн нэг нь насанд хүрээгүй гэнэ. 

Нийт 1800 орчим хүүхэд суралдцаг тус сургуульд дахин халдлага гарахаас сэргийлж, цагдаа нар сургуулийн барилгыг хамгаалалтад авч, сурагчдыг гэр бүлийнхэнд нь хүлээлгэн өгчээ. 

Энэхүү цочирдом хэрэг явдлын дараа Цагаан ордон "Энэ бол аймшигтай үйл явдал. Хүүхдүүдийн эсрэг хүчирхийлэл үйлдэх нь маш буруу зүйл" гэж мэдэгдсэн байна. 

Уг халдлагаас гурван долоо хоногийн өмнө цагдаагийнхан 20 жилийн өмнөх аймшигт халдлага давтагдах эрсдэлтэй гэж үзэн Денвер хотын 20 гаруй сургуулиудыг хаагаад байсан юм. Тус хотын "Колумбайн" дунд сургуульд 1999 оны дөрөвдүгээр сарын 20-ны өдөр халдлага гарч, 13 хүн харамсалтайгаар амиа алдаж, 24 хүн шархадсан билээ. Эл хэргийг тус сургуулийн сурагчид болох Эрик Харрис, Дилан Киболд нар үйлдсэн бөгөөд тэд буу агсаж, ангийнхаа 12 сурагч болон багшаа хөнөөгөөд цагдаа нарыг ирэхээс өмнө сургуулийн номын санд амиа егүүтгэцгээсэн байна. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй