”Ливерпүүл”-ийн гайхалтай эргэн ирэлт (бичлэгтэй)
2019 оны 5 сарын 8
Аваргуудын лигийн хагас шигшээгийн хариу тоглолтын хүрээнд "Ливерпүүл" баг "Барселона"-г талбай дээрээ хүлээн авч тоглоод 4:0 харьцаатай бут ниргэв. Ийнхүү хоёр тоглолтын нийлбэр дүнгээр 4:3-ын харьцаатайгаар мерсисайдчууд "Барса"-г буулган авснаар Аваргуудын лигийн шигшээд сүүлийн 2 жил дараалан шалгарлаа.

"Ливерпүүл"-ийнхэн "Барса"-гийн талбай дээр зочилж тоглохдоо 3:0-ээр хожигдсон тул хөлбөмбөг сонирхогчид тэдэнд боломж байхгүй гэж үзэж байв. Мөн дээрээс нь довтлох чиглэлийн гол тоглогчид болох Салах, Фирминьо нар бэртлээс болж тоглож чадахгүйд хүрээд байсан юм. Гэтэл "Ливерпүүл" ийм хүнд байдлаас гайхамшигт эргэн ирэлтийг үзүүлж, Месси, Суарез тэргүүтэй "Барселона"-г 4:0-ээр буулган авч шүтэн бишрэгчдээ баярлуулав. 

Тоглолтын эхний гоолыг Ориги хаалгачаас ойж ирсэн бөмбөгийг нэмснээр оруулсан бол 2-р хагаст сэлгээгээр талбайд орж ирсэн Виналдум хоёр минутын зайтай гоол оруулснаар багтаа боломжийг нээсэн. Харин гоолын салхийг хагалсан Ориги булангаас ирсэн бөмбөгийг шууд хаалга руу цохин оруулснаар тоглолтын эцсийн цэгийг хатгажээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад