Жэк Ма ажилчдадаа олон хүүхэдтэй болохыг уриалав
2019 оны 5 сарын 11
Хятадын цахим худалдааны хамгийн том компани болох Алибабаг үүсгэн байгуулагч Жэк Ма тус улсын "996" буюу өглөөний 9-өөс оройн 9 цаг хүртэл ажлын 6 өдөртэй байх бодлогыг талархан хүлээн авдаг нэгэн. Тэгвэл өдгөө ажлын тал дээрх энэхүү үзэл баримтлалаас гадна ажилчдаа "669" гэсэн зарчмыг амьдралдаа хэрэгжүүлэхийг тэрбээр уриалжээ. Тэрбумтан эр жил бүрийн тавдугаар сарын 10-нд корпорацийнхаа хүрээнд тэмдэглэдэг "Али өдөр"-өөр болсон залуу хосуудын хурим дээр үг хэлэхдээ "669" зарчмын талаар тайлбарласан байна. "669" гэдэг нь 6 хоногт 6 удаа загас наадуулах нь урт удаан сайхан амьдралын гол түлхүүр гэнэ. (9-ийн тоо хятадад урт удаан амьдралыг бэлгэддэг). Алибаба компанийн зуу зуун залуу хосууд Хятадын Хуанжу мужид болсон уг арга хэмжээнд оролцож, Жэк Магийн энэхүү зөвлөгөөг сонсжээ. 

Түүний хувьд гэрлэсэн залуу ажилчдадаа илүү олон хүүхэдтэй болохыг аминчлан захиж буй нь энэ аж. Ма хуримын хувцсаар гангарсан 103 хосод "Хосууд гэрлэсэн бол юун түрүүнд үр дүн гарах ёстой. Үйлдвэрлэлээр яривал бүтээгдэхүүн гарах ёстой гэсэн үг. Тэгвэл бүтээгдэхүүн гэж юу вэ? Тэр бол хүүхэд. Гэрлэлт бол хамтдаа эд хөрөнгө хурааж, байр сав, машин худалдаж авахын нэр биш. Харин үр хүүхэдтэй болохын нэр юм. Бүх зүйл бусдынх эсвэл хуурамч байж болно гэдгийг үргэлж санаж яв. Харин үр хүүхэд бол жинхэнэ үнэт хөрөнгө юм шүү. Тийм болохоор илүү олон хүүхэдтэй болцгоогоорой" хэмээн захив. 
Alibaba Celebrates Ali Day зурган илэрцүүд
Өнгөрсөн жил Хятадад 15 сая хүүхэд мэндэлсэн нь 1961 оноос хойшхи хамгийн бага төрөлт юм. Хэдийгээр тус улс "Нэг хүүхэд" бодлогыг цуцалсан ч хосууд хүүхдээ өсгөхөд гарах зардал, орон гэрний асуудал, мөн боловсролд зарцуулах өндөр өртгөөс болоод олон хүүхэдтэй болох сонирхолгүй байгаа аж. Хуанжу мужид л гэхэд хоёр унтлагын өрөөтэй байр 1,5 тэрбум төгрөгийн үнэ ханштай байдаг аж. Энэ байдлаас болоод Хятад дэлхийн хамгийн баян улс болохоос өмнө ард иргэд нь хөгшрөөд дуусаж мэдэхээр байна. Одоогоор тус улсад 60-аас дээш насныхан нийт хүн амын 18 хувийг эзэлж байгаа аж. Тиймээс ч улсынхаа өмнө тулгамдаад буй асуудалд санаа зовнисон Ма залуу иргэддээ хүч чадалтай байгаа дээрээ олон хүүхэдтэй болохыг уриалжээ. 

Харин түүний энэ уриалгыг хүмүүс доог тохуу болгон шүүмжилсэн байна. Тухайлбал нэг хэрэглэгч "996-аар ажиллачихаад 669 зарчмаар амьдарна гэнэ ээ? Тэр хэтэрхий их юм бодох юм аа. Бусдын амьдралыг хэн ч шийдэх эрхгүй" хэмээжээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй