Жэй Логийн сүйт залуу тарган харагдахгүйн тулд эрүүл бус аргаар туржээ
2019 оны 5 сарын 13
Улаан хивсний ёслолд оролцохдоо сонгосон хувцастаа багтаж, туранхай сайхан харагдахын тулд зөвхөн бүсгүйчүүд жингээ хасах гэж элдэв дэглэм барьж, дасгал хийн үйл тамаа цайдаггүй аж. Эрчүүд ч үүнд багагүй ач холбогдол өгдөг гэдгийг Женнифер Лопезын ирээдүйн нөхөр Алекс Родригез нотолжээ. 48 размер өмсдөг тэрбээр Мет Гала арга хэмжээнд өмсөж ирсэн 44 размерийн Версачийн ганган ягаан хүрмэндээ багтахын тулд хэдэн өдрийн турш йогаар хичээллэн, хөлөргөдөг хувцас өмсөөд шатаар гүйж, мөн зөвхөн ус уудаг дэглэм барьж байсан гэнэ шүү. Энэ бүхний эцэст Алекс өдөрт багадаа гурав орчим кг жин хасах ёстой байжээ. 

Энэ талаараа тамирчин асан эр "Би урьд нь "Рэд Сокс"-ын эсрэг маш чухал тоглолтод оролцохдоо л ингэж айхтар бэлтгэл хийдэг байлаа. Гэтэл одоо улаан хивсэн дээгүүр алхахдаа тарган харагдахгүйн тулд дасгал хийж байна" хэмээжээ. 

Энэ жилийн Мет Гала дээр Кардашьяны хэтэрхий нарийхан бэлхүүс олны санааг зовоож байсан бөгөөд ийм биеийн харьцаатай байх нь эрүүл биш хэмээн хүмүүс шүүмжилж байсан. Гэтэл одоо өдөрт гурав орчим кг жин хасах зорилго тавин улайрсан Алексыг ч эрүүл мэндээ бодсонгүй хэмээн зэмлэх болжээ. Учир нь, мэргэжилтнүүдийн хэлж байгаагаар хүн долоо хоногт 0,5-1 кг жин хасах нь эрүүл мэндэд аюулгүй, харин тэрнээс дээш хэмжээгээр жингээ хасах нь амь насанд нь ч аюул хүргэж мэдэхийн дээр богино хугацаанд үр дүн гарч болох ч тэр нь удаан хадгалагддаггүй гэнэ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй