15-наас нийслэл рүү түүхий нүүрс оруулахгүй
2019 оны 5 сарын 13

Ирэх долоо хоногийн лхагва гаригаас буюу энэ сарын 15-аас эхлэн нийслэлд сайжруулсан түлшийг худалдаж эхэлнэ. Сайжруулсан түлшийг 25, 600, 900 кг болон нэг тонн гэсэн хэмжээтэйгээр савлаж худалдана. Нэг шуудайг нь 3,750 төгрөг, нэг тн-ыг нь 150 мянган төгрөгөөр борлуулах аж. Ирэх өвөл нийслэлийн гэр хорооллынхон түүхий нүүрснээс татгалзаж шахмал түлш түлэх учир эртнээс ч базааж авах нь чухал гэдгийг холбогдох албаны хүмүүс сануулж буй.

Нийслэлийнхэн өвөлдөө 1.2 сая тонн түүхий нүүрс хэрэглэдэг. Тэгвэл шахмал түлш хэрэглэдэг болсноор түүхий нүүрсний хэрэглээг хоёр дахин бууруулж, агаарын бохирдол 30-40 хувь буурах тооцоо гарчээ. Одоогоор арав гаруй компани сайжруулсан түлш үйлдвэрлэж, худалдах юм байна. Дашрамд дурдахад, энэ сарын 15-наас түүхий нүүрсийг оруулахыг хориглосон Засгийн газрын шийдвэр хэрэгжиж эхлэх юм.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй