7 настай охины 4 хурууг нагац ах нь тасалжээ
2019 оны 5 сарын 15
-НАГАЦ АХ НЬ СОГТУУРСАН ҮЕДЭЭ ДОЛООН НАСТАЙ ОХИНЫ ДӨРВӨН ХУРУУГ ХУРЦ ИРТЭЙ ЗҮЙЛЭЭР ТАСАЛЖЭЭ-


Өчигдөр буюу энэ сарын 14-ний өдөр 22:00 цагийн орчимд Сүхбаатар дүүргийн 17-р хорооны нутаг дэвсгэрт долоон настай эмэгтэй хүүхэд бусдад зодуулсан байдалтай гудамжинд уйлаад явж байна гэх дуудлага иргэнээс цагдаагийн байгууллагад ирсэн байна.

Долоон настай охиныг нагац ах болох 51 настай Ш архи согтууруулах ундааны зүйл хэтрүүлэн хэрэглэсэн үедээ зодож танхайран гарын дөрвөн хурууг нь хурц иртэй зүйлээр тасалсан байна. Түүгээр ч үл барам баруун хөлийн гуяны урд хэсэгт түлэгдсэн шархтай, толгойн дээд хэсэгтэй иртэй зүйлээр зүссэн шархтайгаар ГССҮТ-д хэвтэн эмчлүүлж байна. Бага насны хүүхэдтэй зүй бусаар харьцаж мэсийн чанартай зүйлээр хүнд гэмтэл учруулж гэр бүлийн хүчирхийлэл үйлдсэн охины нагац ах нь хэрэг үйлдэх үедээ согтууруулах ундааны зүйл хэтрүүлэн хэрэглэсэн байсан бөгөөд цагдаагийн байгууллагаас түүнийг саатуулжээ.

Харин охин ГССҮТ-д хагалгаанд 10 цагийн турш хагалгаанд орж улмаар биеийн байдал тааруу Эрчимт эмчилгээний тасагт хэвтэн эмчлүүлж байна. Одоогийн байдлаар долоо настай охиныг хурууг нь залгах мэс засал хийж дуусчээ.

-ОЛОН ЦАГИЙН ТУРШ ХАГАЛГАА ХИЙЛГЭСЭН УЧРААС БИЕИЙН БАЙДАЛ ТААРУУ БАЙНА-

ГССҮТ-ийн Гар сарвууны бичил мэс заслын тасгийн ахлах эмч Д.Даваажаргалаас тодруулга авлаа.

-Өчигдөр танай эмнэлэгт долоон настай охин хуруугаа гэмтээсэн гэх өгүүлэмжтэйгээр ирсэн гэж байна. Энэ охин анх биеийн байдал ямар ирсэн бэ?

-Өчигдөр оройн 23 цагт долоон настай охин ирсэн. Улмаар 2:15 цагт гарын хуруу залгах хагалгаа хийлгэсэн. Хагалгаа олон цаг үргэлжилсэн бөгөөд өнөөдөр 13 цагт хагалгаа дууссан. Тухайн хүүхдийн баруун гарын нэг хоёрдугаар хурууны нэг хоёрдугаар үеэрээ бүрэн тасарсан. Зүүн гарын гурав, дөрөвдүгээр хуруу нэг хоёрдугаар үеэрээ тасарсан гэмтэлтэй. Дээрээс нь баруун хөлийн гуяны урд хэсгээрээ түлэгдсэн шархтай. Мөн толгойн тус газраа хөнгөн шархтай ирсэн. Тухайн хүүхдийн хурууны тайрагдсан мөч нь хэр удаан хугацаанд сэргэх нь янз бүр байдаг. Энэ хүүхдийн хуруу нэг төвшинд хурц үзүүртэй тайрагдсан байсан учраас эргэн залгахад сэргэх магадлал өндөртэй. Баруун гарын нэг хоёрдугаар хуруу залгагдсан байгаа. Хагалгааны дараа хурууны өнгө зүс гайгүй тэжээлтэй сэргэх магадлал 90%-тай байгаа. Харин зүүн гарын гуравдугаар хурууны нэгдүгээр хэсгийнхээ урд хэсгээрээ тасарсан. Тэр хэсгээрээ үхжил үүсээд эхэлсэн байсан учраас тайрагдсан байгаа. Дөрөвдүгээр хуруу хагалгааны явцад залгагдсан. Тэгэхээр гурван хуруу 80-90%-тай залгагдсан бөгөөд нэг хурууг урд хэсгээрээ тайрагдсан. Одоогийн байдлаар охин хагалгааны дараах биеийн байдлатай Эрчимт эмчилгээний тасагт хэвтэн эмчлүүлж байна гэв.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй