74 настай жүжигчин Дэннид ”Нохой зээх”-ийн дүрийг санал болгов
2019 оны 5 сарын 23
Өдгөө 74 настай жүжигчин Дэнни ДэВито уран бүтээлийн замналаа өндөрлүүлэхэд ойрхон яваа хэдий ч шүтэн бишрэгчид нь түүнийг тун өвөрмөц дүрд тоглуулахаар дэлгэцийн өмнө дахин дууджээ. Фэнүүд нь түүнийг баян бизнесмэн юм уу өвөөгийн дүрд тоглуулахыг хүссэнгүй, харин супер хүмүүсийн нэг болох "Нохой зээх"-ийн дүрийг бүтээх ёстой гэж үзсэн гэнэ. "Икс хүмүүс" кинон дээр анх гарч ирсэн "Нохой зээх" буюу Логаны дүрийг жүжигчин Хью Жэкмэн 17 жилийн турш бүтээсний эцэст 2017 онд "тэтгэвэртээ гарсан" билээ. Харин энэ дүрийг бүтээх ёстой дараагийн жүжигчин нь Дэнни байх ёстой гэсэн саналыг 13800 хүн дэмжжээ. 

1992 онд “Бэтмэн эргэн ирэв” кинонд Жокерын дүрийг бүтээж байснаас бусдаар ихэвчлэн хайр дурлал, гэр бүлийн сэдэвтэй хөгжилтэй кинонд тоглодог Дэнниг ийнхүү өндөр насанд нь адал явдалт кинонд тоглуулахыг үзэгчид маш ихээр хүсэж байгаа бололтой. Цахим орчинд бичсэн тэдний сэтгэгдлээс харахад тэд “Дэнни бол хамгийн зөв сонголт” хэмээн дуу нэгтэйгээр дэмжиж байгаа юм. Тэдний зарим нь “Нохой зээх”-ийг хөгжилтэй хэлбэрээр харахыг хүсч буйгээ бичжээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй