Авлигачдын машиныг дуудлагаар худалдана
2019 оны 5 сарын 24
Мексик улс авлигын хэрэгт холбогдсон улстөрчид, гэмт этгээдүүдээс хураасан тансаг зэрэглэлийн автомашинуудаа дуудлага худалдаанд оруулахаар болжээ.

Эх орноо авлигачдаас аврахаа амлан сонгогдсон Ерөнхийлөгч Андрес Мануэл Лопез Обрадор өнгөрсөн онд ажлаа хүлээн авсныхаа дараа “хулгайлагдсан хөрөнгийг ард түмэндээ өгөх” зорилгоор нэгэн байгууллагыг байгуулсан аж. Тус байгууллагын мэдээлснээр нийт 82 ширхэг автомашиныг 1,2 сая орчим ам.доллараар борлуулна гэж тооцоолсон бөгөөд дуудлага худалдаанаас олсон орлогыг улсынхаа нийгмийн халамжийн хөтөлбөрүүдийг санхүүжүүлэхэд зарцуулах гэнэ. Үүний дараа авлигын хэргээр хураагдсан орон сууц, үнэт эдлэлийн дуудлага худалдааг ч зохион байгуулахаар төлөвлөжээ.

Дуудлага худалдаа тус улсын нийслэл Мехико хотын Лос Пинос соёлын ордонд энэ ням гарагт зохион байгуулагдах юм. Уг ордон өмнө нь Ерөнхийлөгчийн ордон байсан бөгөөд Ерөнхийлөгч Обрадорын зарлигаар олон нийтэд зориулсан соёлын төв болжээ. Өнгөрсөн 12 дугаар сард Ерөнхийлөгчийн тангарагаа өргөсөн Обрадорын рэйтинг 70 хувьтай байгаа аж.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй