ИНЕГ-ын дарга Л.Бямбасүрэн хүний амь эрсэдсэнийг нууцалж байна
2019 оны 5 сарын 27
Монгол улсад иргэний нисэх хүчин үүсэж хөгжсөний 94 жилийн ой 2019 оны тавдугаар сарын 24-ний өдөр тохиосон. Агаарын тээвэрчдийн баярын өдрийг угтан ИНЕГ-ынхан баяраа тэмдэглэжээ. Баяраас улбаатай архидалт амралтын газар очиж үргэлжилсэн байна. Ийнхүү архидан согтуурч байх үеэр ИНЕГ-ын 40 настай, цахилгааны инженер нас баржээ. Нас барсан инженер нь Америкт олон жил амьдарч байгаад Монголд ирж, ИНЕГ-т тав дахь жилдээ ажилласан Б.Т гэх иргэн аж. 

Хамт олны баяр цэнгэл, зугаалга ихэсдэг урин дулааны улиралд сонор сэрэмж илүүдэхгүй нь. Эл өдөр ажилтнуудыг 13 цагт амраасан байна. Урд нь ИНЕГ-ын ажилтан амиа алдсаныг удирдлагуудын даалгавраар хав дарж өнгөрөөсөн. ИНЕГ-ын Холбоо мэдээлэл, новигаци ашиглалтын албаныхан ажлаараа зугаалсан биш ийнхүү нэгнийгээ алджээ. Гачууртын шар хоолойн аман дахь Оршил амралтын газар болсон энэ хэрэг БЗД-ийн Цагдаагийн гуравдугаар хэсэгт шалгагдаж байна.

Өмнөх оны 11 сард Худалдан авах ажиллагааны ахлах мэргэжилтэн Х, Б нар нь ажлын байранд эхлээд архидсан гэдэг. Улмаар бааранд хамтдаа орцгоосон байна. Энэ үеэр хоорондоо маргалдаж, Х нь хөндлөнгийн хүнд зодуулан, хүнд гэмтэж нас барсан. Энэхүү хэрэг мөн л ажлын байран дахь архидалтаас улбаатай атал ИНЕГ-ынхан хав дарж өнгөрөөсөн. ЗТХ-ийн сайд Б.Энх-Амгалан албан тушаалд томилогдохдоо “Салбарын ажилтны сахилга, ёс зүй хариуцлагыг анхаарч ажиллана” гэж амласан амлалтаа эргэн нэг санах цаг болжээ. ИНЕГ-ын дарга Л.Бямбасүрэнгийн үед хоёр ажилтан амь эрсдээд байна. Өнөөх л сахилга, хариуцлагын асуудал. Өмнө нь тус яамны байранд архидан согтууралтай холбоотой хүн амины хэрэг гарсныг хүмүүс бэлхнээ мэдэж байгаа. Салбарын сайд Б.Энх-Амгалан ИНЕГ-ын дарга Л.Бямбасүрэнг хүний амь эрсдээд гурав хонож байхад толгойг нь илээд сууж баймааргүй л юм. 
Эх сурвалж: Shilen.mn

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй