Эден Азар ”Чэлси”-г орхино
2019 оны 5 сарын 30
Лондон хотын "Чэлси" болон Бельгийн шигшээ багийн хагас хамгаалагч Эден Азар Европа лигийн шигшээ тоглолтод "Арсенал" багийг 4:1-ээр буулгаж авсныхаа дараа өгсөн ярилцлагадаа цэнхэрүүдийг одоо орхиход бэлэн гэдгээ өгүүлсэн байна. 

Азар энэ тоглолтын шилдэг тоглогчоор нэрлэгдсэн юм. Тэрбээр "Өнөөдөр миний хамгийн гол зорилго бол энэ шигшээ тоглолтод ялалт байгуулах явдал байлаа. Би ирээдүйнхээ талаар шийдвэрээ гаргасан. Одоо надад ирэх саналуудыг хүлээж байна. Энэ тоглолт миний салах ёс гүйцэтгэх тоглолт байсан гэж хэлж болно. Гэхдээ хөлбөмбөгт юм юм л тохиолддог шүү дээ. Би Английн Премьер лигт тоглохыг мөрөөддөг байсан. Тэр мөрөөдөлдөө хүрч, хамгийн шилдэг багт тоглосон. Тэгэхээр одоо шинэ дуудлага намайг хүлээж байна" хэмээн ярьжээ. 

Азар "Арсенал"-ын хаалганд хоёр гоол оруулснаар Европа лигт багаа зургаан жилийн дараа тэргүүлүүлсэн юм. Тэрбээр "Чэлси багт 2012 оноос хойш тоглосон билээ. Түүнийг Испанийн "Реал" баг сонирхож байгаа юм. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй