”Мобиком корпораци”-д 20 сая төгрөгийн торгууль оногдуулжээ
2019 оны 6 сарын 3
Шударга Өрсөлдөөн Хэрэглэгчийн Төлөө Газрын Хэрэглэгчийн эрхийг хамгаалах газрын дарга Ш.Цэрэндулам хэрэглэгчийн эрхийг хамгаалах хуулийг хэрэгжүүлэх хүрээнд хийж, хэрэгжүүлсэн ажлаа тайлагналаа.

Он гарсаар эхний 5 сард иргэдээс ирүүлсэн өргөдөл, гомдлын эхний тавд харилцаа холбооны салбар орж байгаа. Үүний дараагаар орон сууц, СӨХ, контортой холбоотой гомдол саналууд орж байна. Харилцаа холбооны салбарт ирүүлсэн гомдлын дагуу Мобиком корцарцид хийсэн хяналт, шалгалтын үеэр хэрэглэгчдэд бараа бүтээгдэхүүн, үйлчилгээнийхээ талаарх бодитой, үнэн зөв мэдээллийг өгч ажилладаггүй. Мөн Мобиком корпорацийн хэрэглэгчидтэй байгуулж байгаа стандарт гэрээний нөхцөлүүд нь хэрэглэгчийн эрхийг дордуулсан байгааг тодруулж, гаргаж ирсэн. Түүнчлэн багц болон үйлчилгээнийхээ өөрчлөлтийн талаарх мэдээллийг хэрэглэгчдэдээ хүргэж ажилладаггүй, тодорхой бус байдаг гэх мэт зөрчлүүдийг илрүүлсэн. Энэ шалгалт прокурорын хяналт дор хийгдсэн ажил учраас Мобиком корпорацид Зөрчлийн тухай хуулийн 10.2 дугаар зүйлийн 3 дахь хэсэгт заасны дагуу 20 сая төгрөгийн торгуулийг оногдуулсан. 

- Үүрэн телефоны оператор компаниуд Харилцаа холбооны салбарт ажиллаж байгаа аж ахуй нэгж байгууллагуудаа, анхаарч үз. Ямар нэг байдлаар үйлчилгээнд чинь өөрчлөлт орж байгаа бол мэдэгдэл гаргах, хэвлэл мэдээллийн байгууллага аль нэг хэрэгслээр мэдээлэл цацах байдлаар хэрэглэгч нэг бүртээ хүрсэн үйлчилгээг зохион байгуул гэдэг шаардлагыг тавьж байгаа учраас дээрх мэдээллийг хийж байна гэлээ.

- BSB компани болон бусад холбогдох электрон барааны дэлгүүрүүдтэй холбоотой мэдээлэл иргэдээс их ирж байгаа. Өргөдөл гомдлын дагуу зөрчлийн хэрэг нээгээд нөхцөл байдлыг тодруулахад электрон барааны дэлгүүрүүд бараа бүтээгдэхүүний зааварчилгааг монгол хэлээр хүргэдэггүйн улмаас хэрэглэгчид хохирдог. Ийм учраас BSB компанид Монгол хэлний тухай хууль болон Зөрчлийн тухай хуулийн тодорхой заалтуудыг зөрчсөн үндэслэлээр холбогдох хуулийн дагуу хариуцлага тооцох торгуулийн шийтгэлийг оногдуулсан гэв. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй