Б.Жаргалсайхан: Наймаачдаас газраа авч, орон сууцны үнийг буулгая!!!
2019 оны 6 сарын 4
Монголын хамгийн баян хүмүүс гэхээр л хэдэн газрын наймаачид байх юм. Тэд юу үйлдвэрлэж бүтээв гэхээр 5000 төгрөгөөр авсан газрын гэрчилгээгээ хятадуудад хэдэн арван тэрбумаар зарсан гэх. “Мон-Уран”-ы Б.Наранхүү гэхэд Баянзүрх дүүргээс ч том газар нутагтай болоод Дүнжингарав дүүрэг байгуулна ч гэх шиг. Энэ том газраа хэдэн төгрөгөөр яаж авсан нь тодорхойгүй. Ихэнх нь банкны барьцаанд тавигдсан байх агаад 1 га газраа тэрбумаар зарна. Зүгээр олдсон тэр мөнгөөрөө хурдан морь, машин авч баярхана. Нэг адууг 800 сая төгрөгөөр авлаа ч гэх. Хөлсөө урсгаж олоогүй болохоор УИХ-д мөнгө тараан сонгогдож хуулийн хамгаалалт дор суух юм даа. Баянзүрх дүүрэгт сургууль барих газар Б.Наранхүүгээс гуйж цаадах нь үнэрхэж байна гэх юм. Ерөнхий сайд У.Хүрэлсүх 2023 онд 150 мянган орон сууц барина гэж байна. Гэтэл 1 м2 орон сууцны үнэ 2,0 саяас буухаа байлаа. Яагаад ийм өндөртэй байна вэ гэхээр газраа үнэтэй авсан гэх юм. Уг нь бол 1 м2 орон сууц 9,0 мянган төгрөгөөс хэтрэхгүй шүү дээ.
Орон сууцны үнийг хөөрөгдөгч газрын наймаачид хангалттай баяжлаа, улс төрд ч ороод дууслаа. Тиймээс төр засаг хэмжээ хязгааргүй хашаалсан газрыг улсын хэрэгцээнд авмаар байна. 5000 төгрөгийн гэрчилгээгээр авсан газраа тэрбумаар зарах хэр шударга бизнес вэ. Сүүлдээ хотын төвийн талбай, авто зогсоолыг ХХБ-наас эхлээд дээрэмдээд авчихлаа. Монгол Улсын барилга барихад саад болсон энэ мэт нөхдөөс (Хотын баруун тал Т.Бадамжунай, Ц.Сандуй, Б.Наранхүүгийн эзэмшилд бий) газраа авах цаг болсон. Энэ Засгийн газраас “Найрамдал”-аас эхлээд наймаачдын газрыг цуцлахыг (Боломжтой зүйл) шаардаж байна…
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй