65 тэрбумын “үнэтэй” “Эрдэнэт”-ийн эмнэлгийг хувийн компанид 18 жилийн хугацаатай шилжүүлжээ
2019 оны 6 сарын 13
“Эрдэнэт үйлдвэр” ТӨҮГ-ын захирал Х.Бадамсүрэн “Эрдэнэт”-ийн барьсан эмнэлгийг хувийн компанид 18 жилийн хугацаатай шилжүүлсэн талаар УИХ-ын Аюулгүй байдал, гадаад бодлогын байнгын хорооны хуралдааны үеэр мэдээлэл хийлээ.

- “65 тэрбум төгрөгөөр барьсан бүсийн оношилгооны төвийг Япон-Монголын хамтарсан компанид шилжүүлэн худалдсан бөгөөд 18 жилийн хугацаанд хуваарийн дагуу авах гэрээтэй. Манай уурхайчид жил бүр эмнэлэгт төлбөртэйгөөр үзүүлдэг. Зургаадугаар сарын 18-нд Төрийн өмчийн бодлого зохицуулалтын газарт саналаа оруулж, зарчмын шийдвэр гарсны дараа цаашид хэрхэн ашиглах, үнэлгээний талаар шийдвэр гарна” гэсэн юм.

“Хаалт-Хөгжлийн менежментийн бодлого”-ын хүрээнд үйлдвэрийн 100 хувийн хөрөнгө оруулалтаар орчин үеийн дэвшилтэт техник, тоног төхөөрөмж бүхий “Медипас” эмнэлгийг байгуулж байжээ.

Орчин үеийн дэвшилтэт техник, тоног төхөөрөмж бүхий эмнэлгийн цогцолбор төслийн бүтээн байгуулалтад гадаадын хөрөнгө оруулалтыг татах, Японы эрүүл мэндийн байгууллагуудтай хамтын ажиллагааг хөгжүүлэх замаар Япон Улсын эмнэлгийн менежментийг Монгол Улсад нутагшуулах зорилгоор “Эрдэнэт” үйлдвэр 2015 онд Япон Улсын эрүүл мэндийн хамтын ажиллагааг дэмжих “Medipas” нийгэмлэг, Японы Улсын хөрөнгө оруулалттай “Медипас” ХХК-тай урт хугацааны туршид хамтран ажиллах гэрээг байгуулсан. 

Уг гэрээ дөрвөн гол нөхцөлтэй.

Нэгдүгээрт, Японы эрүүл мэндийн менежментийг нэвтрүүлэх, хоёрдугаарт, Японы хөрөнгө оруулалтаар 200 ортой эмнэлэг байгуулах, гуравдугаарт, “Эрдэнэт” үйлдвэрийн ажилчдад хөнгөлөлттэй нөхцлөөр эрүүл мэндийн үйлчилгээ үзүүлэх, дөрөвдүгээрт, “Эрдэнэт” үйлдвэрээс оруулсан хөрөнгийг Японы тал эргүүлэн төлөх гэсэн нөхцөлтэйгээр гэрээ байгуулсан аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй