О.Баасанхүү АН-ын зөвлөлтэй албан ёсоор нэгдлээ
2019 оны 6 сарын 13
УИХ-ын гишүүн О.Баасанхүүгийн Ардчилсан намын зөвлөлтэй хамтран ажиллах хүсэлтэд АН-ын зөвлөлийн дарга Д.Эрдэнэбат өчигдөр хариу өгчээ. 

Үүнд,
"УИХ дахь Ардчилсан намын зөвлөлтэй хамтран ажиллах таны 2019 зургадугаар сарын 9-ний өдрийн 6407 албан бичигтэй танилцлаа. Үндсэн хуульд нэмэлт, өөрчлөлт оруулах тухай төсөлтэй холбогдуулан АН-ын зөвлөл тодорхой зарчмын байр сууриа илэрхийлсээр ирсэн. Иймд Үндсэн хуульд нэмэлт, өөрчлөлт оруулах тухай төслийн болон бусад УИХ-аар хэлэлэцэгдэж буй хууль, эрх зүйн асуудлын хүрээнд УИХ дахь АН-ын зөвлөлтэй хамтран ажиллах таны хүсэлтийг хүлээн авч байгааг үүгээр мэдэгдэж байна" гэжээ.

Ингэснээр О.Баасанхүү гишүүн Үндсэн хуульд нэмэлт, өөрчлөлт оруулах төсөл болон УИХ-аар хэлэлцэгдэж буй аливаа хууль тогтоомж зэрэг асуудалд Ардчилсан намын зөвлөлтэй хамтран ажиллаж, байр сууриа нэгтгэх, саналаа илэрхийлэх боломжтой боллоо.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй