Үндэсний үйлдвэрлэгчдээ үл тоосон “шар хашлага”
2019 оны 6 сарын 14
Сүүлийн хэд хоног сошиал ертөнцийн “од” болоод байгаа төв замд байрлуулсан төмөр хашлагыг нийслэлийн засаг даргын захирамжаар 4850 ширхгийг 700 сая төгрөгөөр урд хөршөөс оруулж иржээ.

Байрлуулсан өдрөөсөө эхлэн шүүмжлэлийн бай болсон шар хашлага шиг ижил төрлийн хашааг дахин боловсруулсан бүтээгдэхүүнээр 200 сая төгрөгөөр дотооддоо үйлдвэрлэх боломжтой байсан хэмээн үндэсний үйлдвэрлэгчид мэдэгдлээ.

Монголын зохион бүтээгчдийн холбооны удирдах зөвлөлийн гишүүн С.ШАГДАРЖАВ:
-“Тус хашааг 700 сая төгрөгөөр захиалсан. Гэвч энэхүү замын хашаа, хайсыг үндэсний үйлдвэрлэгчид үйлдвэрлэх бүрэн боломжтой байсан юм. Хотын удирдлагууд нийслэлийн засаг даргын захирамжаар хийсэн гэсэн тайлбарыг өгсөн ба хотын менежер Т.Гантөмөрийг Авлигатай тэмцэх газарт өгч шалгуулна. Сүүлийн үед ганц нэгэн хуульд өөрчлөлт орж байна. Жишээлбэл: Татварын багц хууль, Тендерийн хууль. Иймэрхүү хуулиудад үр дүн гарч байгаа боловч сүүлийн үед нэлээн бусармаг үйл ажиллагаа буюу шинэ авлигачид бий болоод байна гэж харж байна. Үүний дагуу бид Авлигатай тэмцэх газрыг энэ ажиллагааг шалгахыг хүсэж байна. Дээрээс нь их хурлын гишүүд болон нийслэлийн удирдлагуудад албан бичгээ хүргүүлж байна” гэлээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй