Сэлбэ голоос эрэгтэй хүний цогцос олджээ
2019 оны 6 сарын 17
Амралтын өдрүүдээр орсон борооны улмаас гол мөрнүүдийн түвшин нэмэгдэж, үер, усны аюул их байгаа. Өчигдөр үдээс хойш орсон түр зуурын хүчтэй борооны улмаас үертэй байсан Сэлбийн голд хүн унаж амь эрсэдсэн хэрэг гарчээ. 

Сүхбаатар дүүргийн арваннэгдүгээр хороо нутаг дэвсгэр Сэлбэ голд эрэгтэй хүний цогцос байгаа тухай дуудлага өчигдөр /2019.06.16/ Нийслэлийн Онцгой байдлын газарт иржээ. Дуудлагын дагуу Аврах ангийн алба хаагчид үүрэг гүйцэтгэж 50 орчим насны эрэгтэй хүний цогцсыг цагдаагийн байгууллагын жижүүрийн бүрэлдэхүүнд шилжүүлсэн байна.

Мөн Нийслэлийн Багануур дүүргийн гуравдугаар хороо, Ахмадын амралтын газрын урд Хэрлэн голд “Вранглер” загварын суудлын автомашин живж байна гэсэн дуудлагыг хүлээн авсан тус дүүргийн Онцгой байдлын хэлтсийн Гал түймэр унтраах, аврах 64 дүгээр ангийн алба хаагчид иргэн З /26 настай, эрэгтэй/, иргэн Ү /26 настай, эрэгтэй/, А /4 настай, эрэгтэй/ нарыг автомашины хамт аюулгүй газарт гаргасан байна. 

Иймээс гол усны ойролцоо амарч зугаалахгүй байх, бороотой, гол мөрний усны түвшин нэмэгдсэн үед баталгаатай гүүр, гарам, гарцтай газраар зорчихыг холбогдох байгууллагаас анхаарууллаа.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй