Нэг өдөр 3 хүн усанд осолджээ
2019 оны 6 сарын 19
Сэлэнгэ аймгийн Алтанбулаг сумын Цөх багийн “Гүн нуур”-ын усанд Дорноговь аймгийн харъяат 36 настай, иргэн Г зургаадугаар сарын 17-ны орой осолдсон тухай дуудлагыг  авсан аймгийн Онцгой байдлын газрын алба хаагчид очиж ажиллан осолдсон иргэний цогцсыг гаргаж, цагдаагийн байгууллагад шилжүүлж өгчээ.

Мөн Дархан-Уул аймгийн Орхон сумын Энхтал багийн “Модон бирваз” гэдэг газар Орхон голд 2 иргэн осолдсон тухай дуудлагыг зургаадугаар сарын 17-ны өглөө хүлээн авч тус аймгийн Онцгой байдлын газрын алба хаагчдыг очиход Дархан-Уул аймгийн Дархан сумын харьяат иргэн Б /20 настай, эрэгтэй/-ын цогцсыг иргэд гаргасан байсан, мөн сумын харъяат иргэн Г /21 настай, эрэгтэй/-ын цогцсыг осолдсон газраас 700 м-ийн зайнаас олж, цагдаагийн байгууллагад шилжүүлэн өгсөн байна. 

Ихэнх нутгаар үргэлжилсэн бороо орж, жижиг гол, хуурай сайраар сүйтгэл ихтэй уруйн үер буух, гол мөрний усны түвшин богино хугацаанд огцом нэмэгдэж үерлэх магадлал өндөр байгаа тул анхаарал болгоомжтой байхыг иргэддээ анхааруулж байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй