”Нойлоо нээе” аянд нэгдэгтүн!
2019 оны 6 сарын 19
Жил бүр манай улсыг зорих жуулчдын тоо нэмэгдэж байгаа ч үйлчилгээнд тавих үнэлгээ улаан нооль хэвээр байсаар л байна. 

Хөдөө гэлтгүй улсын маань нийслэлд, жуулчдад төдийгүй иргэд бидэнд хүртэл гудамж талбайд боловсон бие засах газар ховор байдаг. Энэ асуудлыг шийдвэрлэхийн тулд Нийслэлийн эрүүл мэндийн газраас “Нойлоо нээе” аяныг санаачилж, нэг сарын хугацаатай хэрэгжүүлэхээр ажлаа эхлүүлжээ.  

Аяны гол зорилго нь албан байгууллага, өрхийн эрүүл мэндийн төвүүд, үйлчилгээний байгууллагууд иргэдээс нойлын төлбөр хураамж авалгүйгээр зөв боловсон үйлчилгээ үзүүлж, хотын соёлыг төлөвшүүлэхийг уриалж байгаа аж.

Тус аяныг санаачлагч,  НЭМГ-ын Удирдлага төлөвлөлтийн албаны дарга Б.Одгэрэл:
- Үйлчилгээний байгууллагууд энэхүү аянд илүү их оролцоосой гэж хүсч байна. Хамгийн чухал нь бидний аяны зорилго нь иргэдийг гудамж талбайд бие засахыг нь болиулах, хотын соёлыг төлөвшүүлэхэд чиглэж байна. Олон байгууллага нойлоо нээж чадах юм бол гудамжинд бие засах тохиолдол байхгүй болох байх гэж бид харж байгаа. 

Өнөөдрийн байдлаар нийслэлд 142 өрхийн эмнэлэг байдаг. Тэдгээрийн 80 орчим нь санаачилгаараа энэхүү аянд нэгдсэн. Түүнчлэн үсчин, цайны газар, банк зэрэг 70 орчим албан байгууллагууд энэхүү аянд сайн дураараа нэгдэж, зөв төлөвшлийг түгээж байна. Мөн аялал жуулчлалын улирал эхэлж байна. 

Үүнтэй холбогдуулан үйлчилгээний байгууллага, жуулчны баазууд энэхүү аянд нэгдэж, илүү оролцоотой байх хэрэгтэй л дээ. Долоодугаар сард төвийн гудамж жуулчдаар дүүрдэг шүү дээ. Хотын төвийн байгууллагууд нойлын асуудал арай гайгүй гэж харж байгаа ч тийм хангалттай биш байдаг нь ажиглагддаг хэмээн өгүүлсэн юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй