15 мянган монгол хүн БНСУ-д ”харлажээ”
2019 оны 6 сарын 24
БНСУ-д 40 гаруй мянган монгол иргэн амьдардаг гэсэн мэдээлэл байдаг. Тэдний ихэнх нь хууль бус иргэдийн тоонд оржээ. Тодруулбал, аяллын виз болох гурван сарын хугацаа дууссаны дараа харлах иргэд ихэссэн бол солонгос хэлний сургалтаар их, дээд сургуульд оюутны визээр ирсэн иргэд ч хууль бус иргэдийн тоог нэмэх болсныг судалгаа харуулжээ.

2018 онд хийсэн судалгаагаар БНСУ-д хууль бусаар орж ирсэн 138 мянган иргэнтэй Тайланд улс энэхүү жагсаалтыг тэргүүлсэн бол БНХАУ 71 070, Вьетнамын 42 056 иргэнтэйгээр удаалж байсан аж. Харин Монгол Улсаас 15 мянган иргэн хууль бусаар амьдардаг гэсэн судалгаа гарсан байна. Мөн Филипинээс 13 мянган иргэн байгаа бол Казахстан, ОХУ-аас 10 мянга орчим иргэд тус улсад хууль бусаар амьдарч байгаа гэсэн судалгаа гарчээ.

Монгол Улсаас БНСУ-ыг зорих иргэдийн тоо ихэссэнтэй холбоотойгоор виз мэдүүлэгчийн хариу 60-90 хоногт гарч байгаа билээ. Аяллын болон сургалтын визээр явж байгаа иргэд харлах тохиолдол гарах нь элбэг болсон учир виз мэдүүлэгчийн материалыг шалгах ажилд цаг орж байгааг БНСУ-аас Монгол Улсад суугаа Элчин сайдын яамнаас анхааруулсаар байна. Тиймээс иргэдийг хуурамч материал бүрдүүлэх, хууль бус үйлдэл гаргахгүй байхыг сануулсаар байна.

Эх сурвалж: medee.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй